Hytaý Halk Respublikasynyň Başlygy Si Szinpin Prezidenti Serdar Berdimuhamedowa Türkmenistana gelip görmek çakylygyny kabul edendigini we bilelikdäki taslamalary durmuşa geçirmegi goldaýandygyny habar berdi.

Türkmenistanyň wekiliýeti 17-nji maýda geçirilen Ykdysady Hyzmatdaşlyk Guramasynyň (YHG) Sebit Meýilleşdiriş Geňeşiniň (SMG) 36-njy mejlisine gatnaşdy. Çäre gibrid görnüşinde guralyp, ol Pakistan Yslam Respublikasynyň başlyklyk etmeginde 2026-njy ýylyň 20-nji maýyna çenli dowam eder.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 19-sy hasaba alyndy.

Golaýda nazary bilimleri önümçilik tejribesini utgaşdyrmak maksady bilen, «Gündogargazakdyryş» müdirliginiň baş gaz geçirijisiniň ugrundaky «Şatlyk» gaz gysyjy desgasynda talyplar üçin ýörite göçme okuw sapagy geçirildi.

«Türkmennebit» döwlet konserniniň Balkanabat nebitçilik orta hünär okuw mekdebinde Balkan welaýatynyň orta hünär okuw mekdepleriniň arasynda welaýat tapgyryndaky bäsleşik geçirildi.

15-nji maýda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi.

14-nji maýda Türkmenistanyň Daşary işler ministriniň orunbasary Ahmet Gurbanowyň Koreýa Respublikasynyň Türkmenistandaky Adatdan daşary we Doly ygtyýarly Ilçisi Li Won-Je bilen duşuşygy geçirildi. Bu barada türkmen daşary syýasat edarasynyň saýtynda habar berilýär.

«PETRONAS» kompaniýasynyň Tehnologiýa uniwersitetiniň professory 11—14-nji maý aralygynda Ýagşygeldi Kakaýew adyndaky Halkara nebit we gaz uniwersitetiniň talyplary hem-de ýaş mugallymlary üçin onlaýn formatda «Gara altyn» mowzugy boýunça ýörite sapak geçdi.

«Türkmengaz» döwlet konserniniň Ylmy-barlag tebigy gaz institutynda sagdyn durmuş ýörelgeleri bilen bagly wagyz-nesihat çäresi geçirildi. Oňa «Türkmengaz», «Türkmennebit» döwlet konsernleriniň, «Türkmengeologiýa» DK-nyň hünärmenleri gatnaşdylar. Ýygnakda Türkmenistanyň Mejlisiniň, hukuk goraýjy edaralaryň, saglygy goraýyş ulgamynyň, jemgyýetçilik guramalarynyň wekilleriniň çykyşlaryna giň orun berildi.

13-nji maýda Türkmenistanyň Halk Maslahatynyň Başlygy Gurbanguly Berdimuhamedow Russiýa Federasiýasynyň Tatarystan Respublikasyna sapar bilen bardy. Bu barada TDH habar berýär.

12-nji maýda Türkmenistanyň Halk Maslahatynyň Başlygy Gurbanguly Berdimuhamedow Malaýziýanyň Premýer-ministriniň ýanyndaky Syýasy meseleler boýunça konsultatiw komitetiň başlygy Tan Şri Mohd Hassan Marikan bilen duşuşdy. Bu barada TDH habar berýär.

«Ak şäherim – Aşgabat 2026» 25-nji Halkara sergisiniň we maslahatynyň Guramaçylyk komiteti «Çalık Enerji» kompaniýasyny 2026-njy ýylyň 24–25-nji maýynda Aşgabatda geçiriljek halkara çäräniň Baş hyzmatdaşy diýip yglan etdi.

11-nji maýda Prezident Serdar Berdimuhamedow Malaýziýanyň Premýer-ministriniň ýanyndaky Syýasy meseleler boýunça konsultatiw komitetiň başlygy Tan Şri Mohd Hassan Marikany, «PETRONAS» kompaniýalar toparynyň ýolbaşçysy we baş ýerine ýetiriji direktory Tan Şri Tengku Muhammad Taufigi, «PETRONAS» kompaniýasynyň Baş önümçilik direktory, ýerine ýetiriji wise-prezidenti, gözleg we agtaryş, özleşdirme we çykaryş bölümçesiniň baş ýerine ýetiriji direktory Mohd Jukris bin Abdul Wahaby kabul etdi. Bu barada TDH habar berýär.

Hytaýyň Puyang Shengyuan nebithimiýa topary Türkmenistanyň gaz gorlaryny senagat taýdan ulanmagy giňeltmäge gönükdirilen iri gaz gaýtadan işleýiş taslamasyny durmuşa geçirmegi teklip edýär. Bu başlangyç barada kompaniýanyň prezidenti Wan Siçen Aşgabatda geçirilen türkmen-hytaý işewürler-forumynda mälim etdi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 17-si hasaba alyndy.