23-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi diýip, TDH habar berýär.

«Türkmennebit» döwlet konserniniň başlygy Guwanç Agajanow OGT–2025 halkara maslahatynyň «Energetiki geçiş üçin çig mallar: maýa goýumlar üçin täze mümkinçilikler» atly mejlisinde çykyş etdi. Ol çykyşynda Türkmenistanyň halkara hyzmatdaşlygyny giňeltmäge we Hazar deňziniň türkmen bölegindäki baý uglewodorod serişdelerini özleşdirmek üçin maýa goýujylary çekmäge taýýardygyny aýtdy.

Türkmenistanyň Döwlet ministri, «Türkmengaz» döwlet konserniniň başlygy Maksat Babaýew «Türkmenistanyň nebiti we gazy – 2025» atly XXX halkara maslahatyň dowamynda çykyş etdi. Ol foruma giň halkara gatnaşygynyň ýurduň dünýä energetika ulgamyndaky strategik ornunyň subutnamasydygyny belledi.

Türkmenistandan Hytaýa tebigy gazyň eksportynyň umumy möçberi 450 milliard kub metre ýetdi. Bu görkeziji iki ýurduň ykdysady we durmuş ösüşine güýçli itergi berdi diýip, CNPC-niň Merkezi Aziýa we Russiýa boýunça prezidenti Çen Huaýlun “Türkmenistanyň nebiti we gazy — 2025” atly 30-njy halkara maslahatynda aýtdy diýip, Türkmenistan Halkara habarlar portaly habar berýär.

22-nji oktýabrda Prezident Serdar Berdimuhamedow «Emirates National Oil Company (ENOC)» hem-de «Dragon Oil» kompaniýalarynyň başlygy Said Al Taýeri, şeýle hem «Dragon Oil» kompaniýasynyň müdiriýetiniň başlygynyň wezipesini wagtlaýyn ýerine ýetiriji Abdulkarim Al Maazmini kabul etdi. Bu barada TDH habar berýär.

«Türkmenistanyň nebiti we gazy – 2025» (OGT-2025) halkara maslahatynyň birinji sessiýasynyň çäklerinde «Çig mal serişdeleri – energetiki geçişiň binýady hökmünde: maýa goýumlar üçin täze mümkinçilikler» atly möhüm panel gepleşigi geçirildi.

Aşgabatda günüň ikinji ýarymynda “Türkmenistanyň nebiti we gazy – 2025” (OGT-2025) atly halkara maslahat öz işine başlady. Maslahatyň açylyş dabarasy «Halkara parahatçylyk we ynanyşmak ýylynda — dünýä energetikasynyň geljegini emele getirmek» diýen şygar astynda geçirildi.

22-nji oktýabrda irden Aşgabatda Türkmenistanyň Söwda-senagat edarasynda «Türkmenistanyň nebiti we gazy – 2025» (OGT 2025) halkara forumy öz işine başlady.

Sizi Halkara parahatçylyk we ynanyşmak ýylynda paýtagtymyz Aşgabat şäherinde geçirilýän «Türkmenistanyň nebiti we gazy — 2025» atly halkara maslahatyň we serginiň öz işine başlamagy bilen tüýs ýürekden gutlaýaryn.

Berkarar döwletiň täze eýýamynyň Galkynyşy döwründe hormatly Prezidentimiz Arkadagly Gahryman Serdarymyzyň ýolbaşçylygynda dostluk we hoşniýetli goňşuçylyk gatnaşyklaryny ösdürmäge gönükdirilen giň möçberli taslamalar üstünlikli durmuşa geçirilýär.

22–24-nji oktýabr aralygynda Türkmenistanyň Söwda-senagat edarasynda sebitiň energetika pudagyndaky iň iri we möhüm çäreleriň biri bolan «Türkmenistanyň nebiti we gazy – OGT 2025» atly 30-njy halkara maslahat we sergi geçiriler.

20-nji oktýabrda Owganystana saparynyň çäklerinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Owganystanyň Ministrler Kabinetiniň Başlygynyň ykdysady meseleler boýunça orunbasary Abdul Gani Baradar bilen duşuşdy diýip, TDH habar berýär.

Türkmenistanyň Halk Maslahatynyň Başlygy Gurbanguly Berdimuhamedow Türkmenistan — Owganystan — Pakistan — Hindistan gaz geçiriji taslamasyny goldaýandygy üçin Amerikanyň Birleşen Ştatlarynyň Prezidenti Donald Trampa tüýs ýürekden minnetdarlyk bildirdi.

Türkmen halkynyň Milli Lideri Gurbanguly Berdimuhamedow Owganystanda TOPH gaz geçirijisiniň gurluşygynyň täze tapgyryna — Arkadagyň ak ýoly bilen Serhetabat — Hyrat gaz geçirijisiniň Hyrat welaýatyna barýan böleginiň turbalarynyň kebşirleýiş işleriniň başlanmagyna simwoliki badalga berdi. Bu barada TDH habar berýär.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 48-si hasaba alyndy.