Hormatly Prezidentimiziň ýurt baştutanlygynda Diýarymyzyň toýlary toýa ulaşýar. Ýurdumyzyň hemişelik Bitaraplygynyň 25 ýyllyk toýy ýakynlap gelýär. Paýtagtymyzyň gözel künjeginde ýerleşýän Halkara nebit we gaz uniwersitetinde hereket edýän «Gara altyn» tans, folklor we aýdym-saz toparynyň öňde boljak şanly baýramçylyga görýän taýýarlygy dogrusynda söhbet etmek üçin toparyň çeper ýolbaşçysy, ýokary okuw mekdebiniň geologiýa fakultetiniň uly mugallymy Amanmyrat ATAÝEW bilen söhbetdeş bolduk. Ol buýsanç bilen hormatly Prezidentimize alkyş sözlerini aýdyp, şulary gürrüň berdi.
— Halkara nebit we gaz uniwersitetimizde aýdym-saz sungatyna höwesli talyplar «Gara altyn» çeper höwesjeňler toparymyza işjeň gatnaşyp, ukyp-başarnygyny kämilleşdirýärler. Mundan başga-da, talyplarymyz bilen okuwdan boş wagtlarymyz ýokary okuw mekdebimiziň döwrebap sport-sagaldyş toplumynda yzygider türgenleşmäge-de mümkinçilikler bar. Hormatly Prezidentimiziň sanly bilim ulgamyny ösdürmek boýunça döredýän giň şertleriniň netijesinde talyplara berilýän bilimiň hili has-da ýokarlanýar.
