Garaşsyz, hemişelik Bitarap ýurdumyzyň nebitgaz pudagy milli ykdysadyýetimiziň öňdebaryjy ulgamlarynyň biri bolmak bilen, Berkarar döwletiň täze eýýamynyň Galkynyşy döwründe onuň eksport mümkinçiligi barha artýar. Şeýle bolansoň, bu ugurda «Türkmennebit» döwlet konserniniň Türkmenbaşydaky nebiti gaýtadan işleýän zawodlar toplumynda has-da netijeli işler amala aşyrylýar.
Häzirki zaman dünýäsiniň iň bir kuwwatly desgalarydyr kämil tilsimatlaryna eýe bolan bu döwrebap kärhanada «Garaşsyz, baky Bitarap Türkmenistan — bedew batly at-myradyň mekany» ýylynyň geçen döwründe ýokary hil ülňülerine doly laýyk gelýän nebit we nebithimiýa önümleri taýýarlanylyp, olary içerki we daşarky bazarlara çykarmakda guwandyryjy üstünlikler gazanyldy.
