Si Szinpin Gurbanguly Berdimuhamedow bilen türkmen-hytaý gatnaşyklaryny has ýokary derejelere çykarmaga taýýar
14:25 30.06.2021 4678
Hytaý Halk Respublikasynyň Başlygy Si Szinpin Türkmenistanyň Prezidenti Gurbanguly Berdimuhamedowy doglan güni bilen gutlap iberen hatynda türkmen-hytaý gatnaşyklaryny has ýokary derejä çykarmaga taýýarlygyny mälim etdi diýip, Türkmenistanyň Döwlet habarlar agentligi habar berýär.
«Şu ýyl Türkmenistan Garaşsyzlygynyň 30 ýyllygyny belleýär. Siziň parasatly baştutanlygyňyzda ýurduňyz düýpli özgertmeleri geçirmekde, ösüş we abadançylyk babatynda uly üstünlikler gazandy. Hytaý tarapy bu üstünliklere ýokary baha berýär» diýip, Si Szinpin belleýär.
« Geljek ýylda ýurtlarymyz diplomatik gatnaşyklaryň ýola goýulmagynyň 30 ýyllygyny bellär. Hytaý-türkmen strategik hyzmatdaşlygynyň ösdürilmegine uly üns bermek bilen, Siz bilen bilelikde iki ýurduň halklarynyň bähbidine döwletara gatnaşyklary has ýokary derejä çykarmak üçin tagallalarymyzy birikdirmäge taýýardyrys» - diýlip hatda aýdylýar.
«Häzirki wagtda hytaý-türkmen gatnaşyklary üstünlikli ösdürilýär, syýasy taýdan özara ynam, netijeli işewürlik hyzmatdaşlygy hem-de halkara guramalaryň çäklerinde ýakyn hyzmatdaşlyk pugtalandyrylýar. Iki ýurduň halklary özara goldaw ruhunda pandemiýa garşy bilelikde göreş alyp barýar, däp bolan dostluk pugtalandyrylýar» - diýlip hatda aýdylýar.
Türkmenistanyň döwlet düzümleri Owganystan bilen döwlet serhetleriniň goragy boýunça «Таliban» hereketiniň wekilleri bilen gatnaşyklary saklaýarlar
Türkmenistanyň Daşary işler ministrliginiň Metbugat gullugynyň habar bermegine görä, ýurduň diplomatik gullugynyň we beýleki döwlet edaralarynyň işgärleri döwlet serhediniň goraglylygy, gümrük, sanitar, fitosanitar we ýükleriň serhet üstünden geçirilmeginde amal edilýän barlagyň hem-de gözegçiligiň gaýry görnüşleriniň meseleleri babatynda «Таliban» hereketiniň wekilleri bilen yzygiderli gatnaşyklary saklaýarlar.
«Taliban» hereketi TOPH we Owganystandaky beýleki infrastruktura taslamalaryny durmuşa geçirmäge gyzyklanma bildirýär - wekil
«Taliban» hereketi Türkmenistan – Owganystan – Pakistan – Hindistan (TOPH) transmilli gaz geçirijisiniň gurluşygyna we ýurtdaky beýleki iri infrastruktura taslamalaryny durmuşa geçirmeklige gyzyklanma bildirýär. Bu barada hereketiň Katardaky syýasy edarasynyň resmi wekili Mohammed Suheýl Şahin sişenbe güni Sky News teleýaýlymyna beren interwýusynda belledi.
Türkmenistan daşary ýurt raýatlarynyň Owganystandan äkidilmegi üçin daşary ýurt uçarlaryna howa giňişligini üpjün edýär
Türkmenistan daşary ýurtlaryň raýatlarynyň daşary ýurt döwletleriniň howa gämileri bilen äkidilmegi üçin özüniň howa giňişligini üpjün edýändir diýip, Türkmenistanyň DIM-niň Metbugat gullugy penşenbe güni habar berdi.
Türkmenistanyň we Eýranyň Prezidentleri telefon arkaly hyzmatdaşlygyň ileri tutulýan ugurlaryny maslahatlaşdylar
Prezident Serdar Berdimuhamedow sişenbe güni Eýran Yslam Respublikasynyň Prezidenti Seýed Ebrahim Raisi bilen geçiren telefon arkaly söhbetdeşliginde döwletara gatnaşyklarynyň ileri tutulýan meselelerini maslahatlaşdylar diýip, TDH habar berýär.
Türkmenistanyň Owganystandaky Ilçihanasy we Baş konsullyklary adaty tertipde işlemeklerini dowam edýärler — DIM
Owganystandaky häzirki içeri syýasat wakalary bilen baglylykda Türkmenistanyň Daşary işler ministrligi habar berýär, ýagny Türkmenistanyň Kabuldaky Ilçihanasy we ýurduň Hyratdaky hem-de Mazari-Şerifdäki Baş konsullyklary adaty tertipde işlemeklerini dowam edýärler. Bu barada Türkmenistanyň DIM-niň Metbugat gullugy habar berýär.