Türkmenistan ÝB bilen ulag, energetika we söwda ulgamlarynda hyzmatdaşlygy berkidýär
11:27 10.07.2025 2158
Türkmenistan Ýewropa Bileleşigi bilen bilelikdäki taslamalary işjeň durmuşa geçirmäge gyzyklanmasyny tassyklady. Bu barada Brýusselde Merkezi Aziýa ýurtlarynyň ÝB-niň ýanyndaky ilçileri bilen Ýewropa Komissiýasynyň Halkara hyzmatdaşlyk boýunça Baş direktoratynyň sebit direktory Peteris Ustupsyň duşuşygynyň dowamynda agzalyp geçildi. Bu barada Türkmenistanyň Habarlar merkezi resmi saýtynda habar berilýär.
Türkmenistanyň Belgiýadaky ilçisi Sapar Pälwanow duşuşykda çykyş edip, Türkmenistanyň Ýewropa Bileleşigi bilen ulag, söwda we energetika ugurlarynda hyzmatdaşlygy ösdürmäge çalyşýandygyny belledi. Bu gatnaşyklaryň maksady özara bähbitli hyzmatdaşlygy güýçlendirmek we sebitiň doly mümkinçiliklerini açmakdan ybarat.
Duşuşykda taraplar “Merkezi Aziýa – ÝB” ilkinji sammitiniň netijelerini hem-de 2025-nji ýylyň noýabr aýynyň ahyrynda geçirilmegi meýilleşdirilýän Maýa goýum we Ykdysady forumlara taýýarlyk meselesini ara alyp maslahatlaşdylar. Garaşylyşy ýaly, bu forumlar anyk başlangyçlary öňe sürmek üçin möhüm meýdança bolar. Esasy üns halkara ulag geçelgelerine, möhüm çig mal serişdeleri babatda hyzmatdaşlyga, şeýle hem ýaşyl energetika we durnukly ösüş ugurlaryndaky taslamalara gönükdiriler.
Duşuşyga gatnaşyjylar şeýle hem Ýewropa Maýa Goýum Banky (EIB) we Ýewropa Täzeleniş we Ösüş Banky (EBRD) bilen hyzmatdaşlygy giňeltmek meselelerine hem üns berdiler.
Mundan ozal Türkmenistan bilen Ýewropa Maýa Goýum Banky anyk maýa goýum taslamalaryny taýýarlamak we degişli hyzmatdaşlyk Ähtnamalary işläp düzmek boýunça özara hyzmatdaşlygy güýçlendirmäge taýýardygyny bildiripdi.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.