Türkmenistanyň biržasynda Owganystandan we Özbegistandan işewürler bilen eksport geleşikleri baglaşyldy
14:17 12.07.2025 4078
Penşenbe güni, 10-njy iýulda Türkmenistanyň Döwlet haryt-çig mal biržasynda daşarky bazarda bolşy ýaly, içerki bazarda hem uly geleşikler hasaba alyndy.
Birža söwdalarynda daşarky bazarda Owganystandan işewürler «Türkmenhimiýa» döwlet konserninden hlorly natriý we Özbegistandan işewürler «Türkmengaz» döwlet konserninden suwuklandyrylan gazyny satyn almak barada geleşikleri baglaşdylar.
Içerki bazarda ýerli işewürler Türkmenistanyň Senagat we gurluşyk önümçiligi ministrliginden gazbeton bloklaryny satyn almak barada geleşikleri baglaşdylar.
Söwdalaşyklaryň barşynda jemi ABŞ-nyň 86 mln dollaryna we 59 million manada deň bolan 3 geleşik baglaşyldy diýlip, TDHÇMB-niň saýtynda habar berilýär.
GDA-dan gelen synçylar Türkmenistanda saýlawlaryň geçişinde düzgün bozulmalary hasaba almadylar
GDA-dan gelen synçylar 12-nji martda Türkmenistanyň Prezidentiniň saýlawlarynyň netijelerine täsir edip biljek düzgün bozmalaryň hasaba alynmandygyny bellediler. Bu barada GDA-dan gelen wekiliýetiň ýolbaşçysy, GDA-nyň Ýerine ýetiriji komitetiniň başlygynyň birinji orunbasary Leonid Anfimow habar berdi diýip, Orient ýetirýär.
Türkmenistan Brýusselde Brussels Energy Club tegelek stolunda energetika strategiýasyny hödürledi
7-nji iýulda Brýusselde Ýewropanyň iň täsirli energetika platformalarynyň biri bolan Brussels Energy Club-yň hünärmenler derejesindäki tegelek stoly geçirildi. Türkmenistan “ÝB-niň gaz importynyň orta möhletleýin geljegi we eksport ediji ýurtlaryň strategiýalary” mowzugyndaky pikir alyşmalaryň merkezinde boldy. Forumda ýurdumyzyň global energetika bazarynyň geljegi baradaky garaýşy beýan edildi diýip, Orient agentligi habar berýär.
Türkmenistanda ýanwar-iýunda 39 mlrd kub metre golaý gaz we 4 mln tonnadan gowrak nebit çykaryldy
Türkmenistanda 2025-nji ýylyň ýanwar — iýun aýlarynda 38 milliard 991,4 million kub metr tebigy gaz, 4 million 91,5 müň tonna nebit çykaryldy.
Türkmenistan ÝB bilen ulag, energetika we söwda ulgamlarynda hyzmatdaşlygy berkidýär
Türkmenistan Ýewropa Bileleşigi bilen bilelikdäki taslamalary işjeň durmuşa geçirmäge gyzyklanmasyny tassyklady. Bu barada Brýusselde Merkezi Aziýa ýurtlarynyň ÝB-niň ýanyndaky ilçileri bilen Ýewropa Komissiýasynyň Halkara hyzmatdaşlyk boýunça Baş direktoratynyň sebit direktory Peteris Ustupsyň duşuşygynyň dowamynda agzalyp geçildi. Bu barada Türkmenistanyň Habarlar merkezi resmi saýtynda habar berilýär.
Türkmenistanyň Prezidentiniň saýlawlarynda ses bermeklik ýokary işjeňlik derejesinde geçdi
Geçen şenbe güni, 12-nji martda irden sagat 7-den Türkmenistandaky 2,5 müňden gowrak saýlaw uçastogynda nobatdan daşary Prezident saýlawlarynda ses bermeklik başlandy. Saýlawlarda ses bermek üçin 3,5 milliondan gowrak saýlawçy bellige alyndy.