Ilatyň ýaşaýyş-durmuş derejesini ýokarlandyrmak, ýurdumyzyň okgunly ösüşlerine saldamly goşant goşmak ýaly il-ýurt bähbitli işe ruhubelentlik bilen goşant goşýanlaryň arasynda «Türkmengeologiýa» döwlet korporasiýasynyň Türkmen geologiýa gözleg ekspedisiýasynyň Köýtendag geologiýa gözleg partiýasynyň başarjaň we janypkeş işgärleri hem bar. Olaryň birleşen tagallalary arkaly ýyllar rowaçlyklara, düýpli ösüşlere beslenýär.
— Gazanýan netijelerimiz, bitirýän işlerimiz bizi has öndürijilikli zähmet çekmäge ruhlandyrýar. Biz Türkmenistan Watanymyzyň beýik Garaşsyzlygynyň şanly 30 ýyllygynyň giňden belleniljek ýylyna hem belent ruh bilen ynamly gadam basdyk. Maksadymyz Gahryman Arkadagymyzyň ata Watanymyzy gülledip ösdürmek boýunça öňden bellänlerini üstünlikli berjaý etmek ugrundaky ählihalk işiniň öň hatarlarynda bolmak — diýip, edaranyň baş geology Şanazar Anarow gürrüň berýär.
