«KAMAZ» döwrebap ýöriteleşdirilen sementleýji tehnikalarynyň täze tapgyry «Türkmengaz» döwlet konserniniň tamponaž müdirligine gelip gowuşdy. Gelip gowşan awtotehniklar ýokary ykjamlygy bilen tapawutlanýarlar, bu bolsa nebitgaz känlerini özleşdirmekde işleri mundan beýläk hem işjeňleşdirmäge mümkinçilik berer.

1-nji sentýabrda çenli ýagdaýa görä, Özbegistan Türkmenistandan 5,6 mln litr benzin import etdi, diýip Sputnik Özbegistan neşiri döwletiň statistika baradaky komitetine salgylanyp habar berýär. Özbegistana iberilýän benzin möçberleri boýunça Türkmenistan Gazagystandan we Russiýadan soň üçünji orny eýeleýär.

Lebap welaýatynyň suwuklandyrylan gaz önümçiligi boýunça müdirligi ýokary önümçilik görkezijilerini gazandy. Müdirlik boýunça şu ýylyň geçen sekiz aýynda suwuklandyrylan gazyň önümçiligi 61,7 müň tonna barabar boldy, şolardan 56,6 müň tonnadan gowragy eksporta iberildi.

Şu gün Kabul şäherinde «Salam han» prezident köşgünde Türkmenistanyň we Owganystanyň arasynda bilelikdäki infrastruktura taslamalaryny, hususan-da Türkmenistan – Owganystan – Pakistan – Hindistan (TOPH) gaz geçirijisiniň, Türkmenistan – Owganystan – Pakistan (TOP) elektroenergetiki we optiki süýümli aragatnaşyk ulgamynyň, demirýollaryň gurluşygyny mundan beýläk hem durmuşa geçirmäge itergi bermäge gönükdirilen birnäçe möhüm resminamalara gol çekmek dabarasy geçirildi. Bu barada ýurdumyzyň daşary syýasat edarasynyň saýty habar berdi.

Ýewropada tebigy gazyň bahalarynyň ýokarlanmagynyň netijesinde «Gazprom» şu ýylyň jemleri boýunça onuň ortaça eksport bahasyny 1 müň kub metrine 120-130 amerikan dollary möçberinde bolmagyny çaklaýar. TASS agentliginiň belleýşi ýaly, bu barada «Gazprom eksportyň» şertnamalary düzgünleşdiriş we nyrh çykaryş müdirliginiň başlygy Sergeý Komlew nebitgaz toplumynyň geljegi barada onlaýn gepleşikleriň dowamynda aýtdy.

Türkmenbaşynyň nebiti gaýtadan işleýän zawodlar toplumynda şu ýylyň sekiz aýynyň jemleri boýunça ýokary hilli önümleriň önümçiliginiň durnukly ösüşini gazanmagy başardy.

Türkmenistanyň Garaşsyzlyk gününiň 29 ýyllyk şanly baýramçylygynyň öň ýanynda «Türkmengaz» döwlet konserniniň Tamponaž müdirligine Gahryman Arkadagymyzyň Russiýa Federasiýasyndan satyn alyp beren «KAMAZ» kysymly döwrebap, ýokary öndürijilikli ýöriteleşdirilen sementleýji tehnikalaryň täze tapgyrynyň gelip gowuşmagy müdirligiň zähmet adamlarynyň toý şatlygyny goşalandyrdy. Bu täze tehnikalar kärhanada halkymyzyň döwletli ýörelgeleriniň, gadymy milli däpleriniň esasynda ak un sepilip, üzärlik tütedilip garşy alyndy.

Türkmenistan Hytaýa turba geçiriji gaz eksportunyň göwrümi boýunça birinji orunda durýar, bu barada hytaý gümrükhanasynyň maglumatlaryna salgylanmak bilen Interfaks habar berýär.

Türkmenistanyň Garaşsyzlygynyň 29 ýyllygyny mynasyp zähmet sowgatlary bilen garşylanlaryň arasynda «Türkmengeologiýa» döwlet korporasiýasynyň «Türkmennebitgazgözleg» trestiniň «Lebapnebitgazgözleg» ekspedisiýasynyň başarjaň işgärleri hem bar. Olar ýurdumyzda bu şanly senäniň öň ýanynda çuňluk burawlamak baradaky dokuz aýlyk meýilnamalaryny artygy bilen berjaý etdiler.

27-nji sentýabrda Türkmenistanda ýurdumyzyň taryhynda şanly sene — Garaşsyzlyk güni giňden bellenilip geçildi.

Türkmenistanyň Prezidenti Gurbanguly Berdimuhamedow şu gün Aşgabatda geçirilýän Halk Maslahatynyň mejlisinde eden çykyşynda milli energetika we ulag ulgamlarynyň ösüşine aýratyn ähmiýet berdi.

Şu gün Prezident Gurbanguly Berdimuhamedow «Türkmenistanyň Konstitusiýasyna üýtgetmeleri we goşmaçalary girizmek hakynda» Konstitusion Kanuna gol çekdi. Resminama ýurdumyzda iki palataly Parlamenti döretmekligi göz öňünde tutýar.

Häzirki döwürde ýurdumyzda umumy bahasy 37 milliard amerikan dollaryndan hem köp bolan 2,5 müňe golaý iri desganyň gurluşygy alnyp barylýar, diýip Prezident Gurbanguly Berdimuhamedow Türkmenistanyň Halk maslahatynyň mejlisinde belledi.

Dünýädäki çylşyrymly maliýe we ykdysady şertlere garamazdan, Türkmenistan ykdysadyýetiniň durnukly ösüşini gazandy, ep-esli maliýe serişdelerini ätiýaçda saklamagy başardy. Bu barada Türkmenistanyň Prezidenti Gurbanguly Berdimuhamedow Halk Maslahatynyň mejlisinde eden çykyşynda belledi.

Aşgabatda ilkinji gezek wideoaragatnaşyk görnüşinde Türkmenistanyň Halk Maslahatynyň — halk häkimiýetiniň iň ýokary wekilçilikli edarasynyň mejlisi öz işine başlady. Ol iki palataly parlamenti döretmek meselelerine seredip geçer.