RF-niň premýer-ministri Mihail Mişustin Türkmenistana geler
15:04 17.01.2023 9187
Russiýa Federasiýasynyň Hökümetiniň Baştutany Mihail Mişustin 19-20-nji ýanwarda Türkmenistana geler diýip, rus habar beriş serişdeleri habar berýär. Onuň ýolbaşçylygyndaky wekiliýet Aşgabatda türkmen-russiýa işewürler forumyna gatnaşar.
Çäräniň çäklerinde iki sany dostlukly döwletleriň esasy edaralarynyň we işewür meýdançalarynyň hyzmatdaşlygynyň mazmunyny baýlaşdyrmaga degişli meseleleriň giň toplumyna garalar.
Panelleýin gepleşikler ulag we logistika, bilim, senagat, sanly ulgamlarda we iki ýurduň kompaniýalarynyň dialogynyň beýleki ugurlarynda russiýa-türkmen hyzmatdaşlygy mowzugy boýunça geçiriler.
Işewürler forumynyň birinji gününde pudaklaýyn duşuşyklar meýilleşdirilýär. Şeýle hem forumyň geçirilýän günlerinde Aşgabatda «Russiýanyň söwda öýi» söwda-sergi meýdançasynyň dabaraly açylyşy meýilleşdirilýär.
Forum Türkmenistan bilen Russiýanyň arasynda söwda-ykdysady we senagat hyzmatdaşlygyny çuňlaşdyrmaga gönükdirilendir. Işewür gepleşikleriň netijeleri boýunça resminamalaryň toplumyna gol çekmek meýilleşdirilýär.
2020-nji ýylyň ýanwaryndan bäri Russiýa Federasiýasynyň Hökümetiniň Baştutany bolup gelýän Mihail Mişustin ilkinji gezek Russiýanyň premýer-ministri hökmünde Türkmenistana geler.
Prezident Serdar Berdimuhamedow ŞHG sammitine gatnaşmak üçin Özbegistana bardy
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.