Prezident Serdar Berdimuhamedow ŞHG sammitine gatnaşmak üçin Özbegistana bardy
15:32 15.09.2022 9697
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.
Özbek Lideriniň metbugat gullugynyň habar bermegine görä, Türkmenistanyň Prezidentini Özbegistanyň Premýer-ministri Abdulla Aripow we beýleki resmi adamlar garşy aldylar.
Maksatnama laýyklykda, şu gün Türkmenistanyň Prezidenti «Hazret Hyzr» toplumyna baryp görer, şeýle hem Özbegistanyň öňki Prezidenti Yslam Karimowy hatyralamak çäresine gatnaşar.
15-nji sentýabrda şeýle hem köpsanly ikitaraplaýyn duşuşyklar meýilleşdirildi. Agşam ŞHG-niň resmi çäreleri başlanar diýip Özbegistanyň Prezidentiniň metbugat sekretary Samarkantda brifingde aýtdy.
ŞHG-niň sammitiniň esasy çäreleri 16-njy sentýabrda Samarkandyň täze syýahatçylyk merkezi bolan «Beýik Ýüpek ýoly» merkeziniň kongresler merkezinde Şawkat Mirziýoýewiň başlyklygynda geçiriler.
Samarkant sammitinde köptaraplaýyn hyzmatdaşlygy ösdürmegiň ileri tutulýan meseleleri, ŞHG-ni ösdürmegiň amaly ugurlary we ileri tutulýan wezipeleri maslahatlaşylar. Halkara we sebit meseleleri boýunça pikir alşylar. Duşuşyklaryň netijesi boýunça ŞHG-niň işjeňligini giňeltmäge ýardam etjek resminamalaryň toplumyna gol çekmek meýilleşdirilýär.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Gurbanguly Berdimuhamedow: Owganystan bilen giň gerimli hyzmatdaşlyk üçin uly mümkinçilikler açylýar
Uly ähmiýetli desgalaryň düýbüniň tutulmagy we ulanmaga berilmegi bilen Türkmenistanyň hem-de Owganystanyň arasynda giň gerimli hyzmatdaşlyk üçin uly mümkinçilikler açylýar. Bu barada türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow energetika, ulag-kommunikasiýa we logistika desgalarynyň açylyş hem-de düýbüni tutmak dabaralaryndaky eden çykyşynda belledi.
Türkmenistan we Gazagystan gaz pudagynda hyzmatdaşlygy berkitmegi meýilleşdirýär
“Türkmengaz” döwlet konserni we Gazagystanyň Energetika ministrligi gaz pudagynda hyzmatdaşlygy berkitmek hakynda Ähtnama gol çekdiler.