Kuala-Lumpur TEIF 2025 halkara maýa goýum forumyny geçirmäge taýýarlyk görýär
12:43 17.04.2025 7343
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Forumyň geçiriljek ýeri hökmünde Kuala-Lumpur şäheriniň işjeň hem häzirki zaman merkezi bolan Kuala-Lumpur Kongres Merkezi (KLCC) saýlandy.
Şeýle-de, häzirki wagtda Türkmenistanyň döwlet edaralarynyň wekilleri bilen şahsy duşuşyklara arzalaryň kabul edilişi hem tamamlandy.
Arza beriş döwründe halkara işewürlik jemgyýetinden uly gyzyklanma bildirilip, Türkmenistanyň hökümet wekilleri bilen göni hyzmatdaşlyk etmäge uly islegiň bardygy ýüze çykaryldy. Arzalar dürli ugurlarda işleýän kompaniýalardan gelip gowuşdy. Olaryň ählisi Türkmenistanyň maýa goýum ýagdaýyny öwrenmäge, bilelikdäki taslamalary ara alyp maslahatlaşmaga we täze iş gatnaşyklaryny ýola goýmaga ymtylýar.
Forumyň deslapky tapgyrynyň netijesinde, guramaçylar döwlet wekilleriniň we maýa goýujylaryň isleglerine laýyklykda duşuşyklaryň tertibini düzdüler. TEIF 2025-iň Guramaçylyk topary arza beren ähli taraplara minnetdarlyk bildirýär we meýilleşdirilen duşuşyklarda netijeli hyzmatdaşlygyň üpjün edilmegine çalyşýar.
Şahsy gatnaşmaga mümkinçiligi bolmadyklar üçin bolsa, forumyň dowamynda Türkmenistanyň hökümet wekilleri bilen umumy mejlislerde, panel duşuşyklarynda we gepleşik görnüşindäki çärelere gatnaşmak arkaly beýleki mümkinçilikler hödürlener.
"Türkmengaz", "Türkmennebit" döwlet konsernleri, şeýle-de Türkmenistanyň Söwda-senagat edarasy tarapyndan, "Türkmen Energiýa Forumy" bilen bilelikde gurnalan bu halkara forum, energetika, gurluşyk, ulag we ýurdumyzyň beýleki strategik pudaklaryna maýa goýum mümkinçiliklerini ara alyp maslahatlaşmak üçin özboluşly halkara meýdança bolup durýar.
Has giňişleýin maglumat üçin: teif-turkmenistan.com
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.