Türkmen-koreýa parlamentara gepleşiklerinde täze energetika taslamalaryna maýa goýum mümkinçilikleri maslahatlaşyldy
17:47 29.11.2022 4316
Maýa goýumlaryň kepillikleri hakynda ylalaşygyň baglaşylmagy iki ýurduň arasynda maýa goýum gatnaşyklaryny işjeňleşdirmekligi höweslendirer. Bu barada Koreýa Respublikasynyň Milli Assambleýasynyň Başlygy Kim Jin-Pýo Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen geçiren gepleşikleriniň barşynda belledi.
Şunuň bilen baglylykda, Kim Jin-Pýo taraplaryň bu resminamany tiz wagtda işläp tamamlamagynyň zerurlygyny belledi.
Duşenbe güni Türkmenistanyň Milli Geňeşiniň Halk Maslahaty bilen Koreýa Respublikasynyň Milli Assambleýasynyň arasynda özara hyzmatdaşlyk hakynda Ähtnama gol çekildi. Şeýle hem duşuşygyň dowamynda netijeli türkmen-koreý gatnaşyklaryny okgunly ösdürmekde parlament diplomatiýasynyň eýeleýän möhüm orny nygtaldy. Iki ýurduň kanun çykaryjy edaralarynyň arasyndaky hyzmatdaşlygy mundan beýläk-de işjeňleşdirmek, şeýle-de bilelikdäki çäreleri guramak arkaly tejribe alyşmak üçin uly mümkinçilikleriň bardygyna aýratyn üns çekildi.
«Dünýäde tebigy gaz ätiýaçlyklarynyň gory boýunça dördünji orun eýelemegi bilen saýlanýan Türkmenistan hem-de öňdebaryjy tehnologiýalara eýelik edýän Koreýa birek-bireginiň üstüni ýetirýän ykdysady düzümlere eýe» — diýip, Kim Jin-Pýo aýtdy. Mysal hökmünde koreý kompaniýalarynyň gatnaşmagynda gurlan bahasy 3 mlrd dollara barabar bolan Gyýanly gazhimiýa toplumyny getirdi. Ol 2018-nji ýylyň sentýabrynda ulanyşa girizildi.
Şunuň bilen baglylykda, Koreý parlamentiniň spikeri Türkmenistanyň energetika we infrastruktura taslamalaryna koreý kompaniýalarynyň has köp sanlysynyň gatnaşyp biljekdigine bil baglaýandygyny aýtdy.
Gurbanguly Berdimuhamedowyň belleýşi ýaly, Türkmenistan energetika ulgamynda koreý kompaniýalary bilen hyzmatdaşlyk etmegini dowam eder, şeýle hem türkmen mekdeplerinde koreý diliniň öwredilmegini giňeltmek teklibini goldady we Koreý parlamentiniň spikerini özi üçin amatly wagtda Türkmenistana gelip görmäge çagyrdy.
Milli Assambleýasynyň Başlygy Kim Jin-Pýo EKSPO-2030 Bütindünýä sergisini Pusan şäherinde geçirmek teklibini goldamagyny haýyş edip Türkmenistana ýüz tutdy.
Halk Maslahatynyň ýolbaşçylygynda Seula baran wekiliýetiň düzümine Parlamentiň komitetleriniň ýolbaşçylary, «Türkmenhimiýa» döwlet konserniniň, Suw hojalygy komitetiniň, Döwlet daşary ykdysady iş bankynyň, Senagatçylar we telekeçiler birleşmesiniň ýolbaşçylary, şeýle hem Türkmenistanyň Koreýa Respublikasyndaky ilçisi girdi.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Gurbanguly Berdimuhamedow: Owganystan bilen giň gerimli hyzmatdaşlyk üçin uly mümkinçilikler açylýar
Uly ähmiýetli desgalaryň düýbüniň tutulmagy we ulanmaga berilmegi bilen Türkmenistanyň hem-de Owganystanyň arasynda giň gerimli hyzmatdaşlyk üçin uly mümkinçilikler açylýar. Bu barada türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow energetika, ulag-kommunikasiýa we logistika desgalarynyň açylyş hem-de düýbüni tutmak dabaralaryndaky eden çykyşynda belledi.
Türkmenistan we Gazagystan gaz pudagynda hyzmatdaşlygy berkitmegi meýilleşdirýär
“Türkmengaz” döwlet konserni we Gazagystanyň Energetika ministrligi gaz pudagynda hyzmatdaşlygy berkitmek hakynda Ähtnama gol çekdiler.