Türkmenistan ýangyç-energetika toplumynda, ulag we senagat ulgamlarynda türki döwletler bilen özara gatnaşyklaryň möhümligini nygtaýar
14:30 11.11.2022 6141
Türkmenistan Türki Döwletleriň Guramasynyň agza-döwletleri bilen ýangyç-energetika, ulag-aragatnaşyk we senagat pudaklarynda hyzmatdaşlygy ösdürmegiň möhümligini nygtaýar. Bu barada Türkmenistanyň Daşary işler ministriniň orunbasary Berdinyýaz Mätiýew penşenbe güni Samarkant şäherinde Türki döwletleriň guramasynyň (TDG) Daşary işler ministrleriniň Geňeşiniň 9-njy duşuşygynda eden çykyşynda belledi diýip, türkmen DIM-niň saýty habar berýär.
«Biziň ýurdumyz özara ynanyşmak we birek-birege hormat goýmak ýörelgelerine, şeýle-de deň hukuklyga esaslanyp dünýäniň ähli ýurtlary bilen, şol sanda TDG-nyň agza ýurtlary bilen hyzmatdaşlyk edýär» diýip. Türkmenistanyň Daşary işler ministriniň orunbasary Berdinyýaz Mätiýew öz çykyşynda aýtdy.
Taraplar söwda-ykdysady ugurda özara gatnaşyklaryň möhümdigini bellediler. Şunuň bilen baglylykda, gepleşikleriň dowamynda türki ýurtlaryň arasynda ýangyç-energetika, ulag-aragatnaşyk we senagat pudaklarynda ikitaraplaýyn we köptaraplaýyn hyzmatdaşlygy ösdürmek boýunça mümkinçilikler ara alnyp maslahatlaşyldy.
Duşuşyga Özbegistanyň, Gazagystanyň, Gyrgyzystanyň, Türkiýäniň, Wengriýanyň daşary işler ministrleri, Türkmenistanyň we Azerbaýjanyň Daşary işler ministriniň orunbasarylary, şeýle hem TDG-nyň Baş sekretary gatnaşdy.
Duşuşyga gatnaşyjylar sebitleýin we halkara gün tertibindäki möhüm meselelerine garadylar we guramanyň çäklerinde hyzmatdaşlygy has-da giňeltmek boýunça pikir alyşdylar. Şeýle hem taraplar anna güni Samarkantda TDG-nyň sammitinde gol çekilmegi meýilleşdirilýän resminamalaryň taslamalaryna garadylar.
Türkmen tarapyna sammitde Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow wekilçilik eder.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Gurbanguly Berdimuhamedow: Owganystan bilen giň gerimli hyzmatdaşlyk üçin uly mümkinçilikler açylýar
Uly ähmiýetli desgalaryň düýbüniň tutulmagy we ulanmaga berilmegi bilen Türkmenistanyň hem-de Owganystanyň arasynda giň gerimli hyzmatdaşlyk üçin uly mümkinçilikler açylýar. Bu barada türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow energetika, ulag-kommunikasiýa we logistika desgalarynyň açylyş hem-de düýbüni tutmak dabaralaryndaky eden çykyşynda belledi.
Türkmenistan we Gazagystan gaz pudagynda hyzmatdaşlygy berkitmegi meýilleşdirýär
“Türkmengaz” döwlet konserni we Gazagystanyň Energetika ministrligi gaz pudagynda hyzmatdaşlygy berkitmek hakynda Ähtnama gol çekdiler.