OGT—2022 Halkara maslahaty: maýa goýumlar, tehnologiýalar, ýangyç-energetika toplumy üçin hünärmenler
19:31 28.10.2022 4042
Penşenbe güni «Türkmenistanyň nebiti we gazy» halkara maslahaty Söwda-senagat edarasynda öz işini dowam etdi. Döwlet düzümleriniň, milli we halkara kompaniýalarynyň, ylmy merkezleriniň we ugurdaş ýokary okuw mekdepleriniň, halkara guramalarynyň we diplomatik wekilhanalarynyň wekilleri, bilermenler we hünärmenler nebitgaz senagatyny ösdürmegiň ileri tutulýan ugurlaryna bagyşlanan plenar mejlislere we sessiýalara işjeň gatnaşýarlar.
Forumyň ikinji gününde «Türkmenistanyň gury ýerlerde energetika toplumynyň maýa goýum mümkinçilikleri we täze gazhimiýa taslamalary». Sessiýanyň spikerleriniň arasynda «Türkmengeologiýa» we «Türkmenhimiýa» döwlet korporasiýalarynyň. «Türkmengaz» döwlet konserniniň wekilleri, MITRO International, TAPI Pipeline Company Limited kompaniýalarynyň we beýlekileriň ýolbaşçylary bar.
Şeýle hem penşenbe güni täze eýýamyň energetikasynyň meselelerine bagyşlanan panel sessiýasy geçirildi. Oňa gatnaşyjylar energetika ulgamynda içerki we sebit ösüşiniň geljegine garadylar. Energiýanyň dikeldilýän çeşmelerine geçmek we wodorod tehnologiýalary ýaly meselelere aýratyn üns berildi.
Türkmenistanyň Energetika ministrligi Chalik Energy kompaniýasy bilen bilelikde Günbatar Türkmenistanda kuwwaty 10 MWt bolan täze utgaşdyrylan ýel-Gün elektrikbekedini hödürlediler. Türkmenistanyň Döwlet daşary ykdysady iş bankynyň başlygy Abu-Dabiniň ösüş gaznasy bilen ýakynda gol çekilen beýleki maýa goýum taslamalaryny hödürledi.
Anna güni, 28-nji oktýabrda forumyň «Nebitgaz ylmynda we biliminde maýa goýum tehnologiýalary we nou-haular» temasyna bagyşlanan soňky sessiýa geçirildi. Onuň çäklerinde nebitgaz pudagy üçin ýokary hünär taýýarlykly hünärmenleri taýýarlamak ulgamynda esasy wezipeler we üstünlikler bellenildi.
Ylmy-barlag we tejribe-konstruktorçylyk guramalarynyň hünärmenleri öz işlerini hödürlediler. Ylmy we bilim wekilleri öz tejribelerini paýlaşdylar.
Günüň ikinji ýarymynda OGT-2022 maslahatyna we sergisine gatnaşyjylary sylaglamak dabarasy we forumyň ýapylyşy geçirilýär.
OGT-2022 maslahatyna gatnaşyjylar Türkmenistanyň Prezidenti Serdar Berdimuhamedowa Ýüzlenme kabul etdiler.
Şenbe güni forumyň wekilleri Aşgabadyň gözel ýerlerine syýahat ederler we golf-klubuna bararlar.
«Demirgazyk akymy» boýunça ibermeler dikeldilenden soň hem Ýewropada gazyň bahasy arzanlamady
«Demirgazyk akymy» boýunça ibermeler dikeldilenden soň hem Ýewropada gazyň bahasy arzanlamady. Eýýäm bir hepde bäri bahalar müň kub metrine 1600 dollar derejesinde saklanýar.
Çökgünlik howpy nebitiň bahalaryny aşakladýar — analitikler II ýarym ýylda Brentiň bahalarynyň 100 dollar bolmagyna garaşýarlar
Energiýa geçirijileriň bazarynda çökgünlik zerarly dünýä ykdysadyýetinde emele gelip biljek çökgünlik bilen bagly howatyrlanmalar iýul aýynyň dowamynda Brent nebitiniň bahalaryny 7% aşaklatdy. Bu günki gün barreliň bahasy 103 dollardan aşaklatdy. Pudaklaýyn analitikler bahalaryň ýene-de birnäçe dollar aşaklajakdygyna we şol derejede 2022-nji ýylyň ahyryna çenli saklanjakdygyna ynanýarlar diýip, Interfaks habar berýär.
Serdar Berdimuhamedow: Türkmenistan Merkezi Aziýa döwletleriniň üsti bilen energiýa geçirijileriniň ibermelerini artdyrmaga taýýar
Penşenbe güni Çolpon-Atada (Gyrgyzystanyň Yssyk-Köl welaýaty) Merkezi Aziýa döwletleriniň Baştutanlarynyň dördünji Konsultatiw duşuşygy geçirildi. Duşuşyga Gazagystanyň, Özbegistanyň, Türkmenistanyň we Täjigistanyň Prezidentleri gatnaşdy.
2025-nji ýylda esasy maýa goýumlar döwlet we sebit ähmiýetli taslamalara gönükdiriler
Halkara parahatçylyk we ynanyşmak ýylynda Türkmenistanda maýa goýumlar döwlet we sebit ähmiýetli, şol sanda möhüm nebitgaz taslamalaryny durmuşa geçirmäge gönükdiriler.
“Türkmengaz” DK we “BOTAŞ” gaz ulgamynda hyzmatdaşlygyň geljegini maslahatlaşdylar
“Türkmengaz” döwlet konserninde geçen hepde konserniň ýolbaşçylarynyň “BOTAŞ” türk kompaniýasynyň baş direktory Abdulwahit Fidanyň ýolbaşçylygyndaky wekiliýet bilen duşuşygy geçirildi. Duşuşygyň barşynda ikitaraplaýyn gatnaşyklarynyň häzirki ýagdaýy we geljekki ösüş mümkinçilikleri ara alnyp maslahatlaşyldy.