SOCAR Trading SA — «Türkmenistanyň nebiti we gazy» XXVII Halkara maslahatynyň brilliant hyzmatdaşy
14:47 30.09.2022 6027
Global energetika treýderi bolan SOCAR Trading «Türkmenistanyň nebiti we gazy» XXVII Halkara maslahatynyň brilliant hyzmatdaşy diýlip yglan edildi diýip, ýakynda geçiriljek çäräniň guramaçysy — Turkmen Forum kompaniýasy habar berdi.
Ştab-kwartirasy Şweýsariýada ýerleşen SOCAR Trading SA kompaniýasy Azerbaýjan Respublikasynyň Döwlet nebit kompaniýasynyň (SOCAR) marketing şahasy hökmünde 2007-nji ýylyň dekabrynda hasaba alyndy. Ol Azeri-Çyrag-Güneşli känlerinden we Azerbaýjandaky beýleki golaýdaky känlerden çykarylan nebiti satmak maksady bilen döredildi. Şol wagtdan bäri kompaniýa halkara bazarlarynda gerimini barha giňeltdi we häzir nebit we nebit önümleri ulgamynda Türkmenistanyň uzakmöhletleýin hyzmatdaşy bolup durýar.
SOCAR Trading SA maýa goýumlar we logistika amallar, üçünji taraplaryň nebit we nebit önümlerini satmak, şeýle hem nebiti gaýtadan işlemek boýunça amallara gatnaşmak işlerinde düýpli üstünlikleri gazandy. Kompaniýa şeýle hem Günbatar ugruň nebit geçirijileri arkaly Gruziýa, Baku-Tbilisi-Jeýhan boýunça Türkiýä we Baku-Noworossiýsk boýunça Russiýa azerbaýjan nebitini ibermekligi amala aşyrylýar.
SOCAR Trading SA kompaniýasy döwlet kärhanasynyň we garaşsyz kompaniýanyň çig mal serişdelerini satmak boýunça artykmaçlyklaryny özünde jemleýär. Sazlaşykly işiň netijesinde ýokary hünär taýýarlykly hünärmenler we ýolbaşçylar topary toplumlaýyn IT-çözgütleriň hem-de içerki dolandyryşyň düzüminiň goldawy netijesinde SOCAR Trading SA energiýa serişdeleriniň söwdasy boýunça iň iri üstünlikli kompaniýalaryň birine öwrüldi.
SOCAR Trading SA öňdebaryjy ýewropa we dünýä banklary, şeýle hem döwlet guramalary, şol sanda Türkmenistandaky ýaly düzümler bilen hyzmatdaşlyk edip, tutuş dünýäde hyzmatdaşlyk we işewür gatnaşyklary ýol goýdy Hazar deňzi sebitinde kompaniýa söwda akymlaryny düzgünleşdirmek üçin birnäçe infrastruktura taslamalaryna maýa goýum goýdy.
Önümçilik-satuw zynjyrynyň ähli tapgyrlaryna gatnaşyp, SOCAR Trading SA 2021-2033-nji ýyllarda nebitiň ýeňil fraksiýalary we suwuklandyrylan tebigy gazyň satuwyny artdyrmagyň hasabyna mundan beýläk hem giňelmegi meýilleşdirýär.
SOCAR Trading SA 2021-nji ýylyň ýanwar aýynda Hazar deňzindäki «Dostluk» ýatagynyň özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasyndaky Ylalaşyga gol çekilenden soň, iki ýurduň söwda dolanyşygynyň has hem artmagynda möhüm orun eýelejekdigine ynanýar.
«Dostluk» ýatagynyň özleşdirilmegi tebigy gazy günbatara eksport etmek üçin ýurduň öňünde täze mümkinçilikleri açar. Ýatagyň nebit ätiýaçlyklary 60 mln tonna, tebigy gaz ätiýaçlyklary – 100 mlrd kub metre barabar.
«Dostluk» hazar ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasyndaky Ylalaşygy taýýarlamak boýunça Iş toparynyň dördünji duşuşygynyň barşynda bilelikdäki işleriň barşynda öňegidişlikleriň gazanylandygy bellenildi.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Gurbanguly Berdimuhamedow: Owganystan bilen giň gerimli hyzmatdaşlyk üçin uly mümkinçilikler açylýar
Uly ähmiýetli desgalaryň düýbüniň tutulmagy we ulanmaga berilmegi bilen Türkmenistanyň hem-de Owganystanyň arasynda giň gerimli hyzmatdaşlyk üçin uly mümkinçilikler açylýar. Bu barada türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow energetika, ulag-kommunikasiýa we logistika desgalarynyň açylyş hem-de düýbüni tutmak dabaralaryndaky eden çykyşynda belledi.
Türkmenistan we Gazagystan gaz pudagynda hyzmatdaşlygy berkitmegi meýilleşdirýär
“Türkmengaz” döwlet konserni we Gazagystanyň Energetika ministrligi gaz pudagynda hyzmatdaşlygy berkitmek hakynda Ähtnama gol çekdiler.