Türkmenistan Owganystanyň halkara ykdysady hyzmatdaşlygyna işjeň goşulyşmagy ugrunda çykyş edýär
11:41 18.06.2026 1087
Türkmenistan Owganystanyň durnukly ösüşini üpjün etmek maksady bilen sebit döwletleri, Ýewropa Bileleşigi hem-de halkara guramalary bilen mundan beýläk hem netijeli hyzmatdaşlygy dowam etdirmäge taýýar. Bu barada Türkmenistanyň DIM-niň saýtynda habar berilýär.
Bu barada 15-nji iýunynda Almaty şäherinde geçirilen Ýewropa Bileleşiginiň we Merkezi Aziýa döwletleriniň Owganystan boýunça ýörite wekilleriniň we ýörite ynanylan wekilleriniň nobatdaky duşuşygynda Türkmenistanyň daşary işler ministriniň orunbasary Ahmet Gurbanow aýtdy.
Duşuşykda çykyş eden Türkmenistanyň Daşary işler ministriniň orunbasary Türkmenistanyň parahat, durnukly we ykdysady taýdan kuwwatly Owganystany goldamaga gönükdirilen yzygiderli garaýşyny belledi. Şeýle hem Türkmenistanyň Owganystany sebit integrasiýa ýagdaýlarynyň möhüm gatnaşyjysy hökmünde görýändigi we ýurduň halkara ykdysady hyzmatdaşlygyna işjeň çekilmegini goldaýandygy nygtaldy.
Türkmen tarapy Owganystanyň durnukly ösüşini üpjün etmek, sebit durnuklylygyny pugtalandyrmak we özara bähbitli hyzmatdaşlygy giňeltmek maksady bilen sebit döwletleri, Ýewropa Bileleşigi hem-de halkara guramalary bilen mundan beýläk hem netijeli hyzmatdaşlygy dowam etdirmäge taýýardygyny tassyklady.
Duşuşygyň dowamynda gatnaşyjylar Owganystandaky häzirki ýagdaý, sebit hyzmatdaşlygynyň geljegi, şeýle hem ýurduň durnukly ösüşine ýardam bermek maksady bilen halkara özara hereketleriň ugurlary bilen bagly giň gerimli meseleleri ara alyp maslahatlaşdylar.
Halkara guramalarynyň ornyna bagyşlanan pikir alyşmalaryň çäklerinde Birleşen Milletler Guramasynyň we onuň ýöriteleşdirilen düzümleriniň ynsanperwer kömekleri bermekde, Owganystanyň durmuş-ykdysady ösüşine ýardam etmekde, döwlet institutlaryny pugtalandyrmakda hem-de Durnukly ösüş maksatlaryna ýetmekde alyp barýan işleriniň ähmiýeti aýratyn nygtaldy.
Şu günki gün goňşy ýurtda häzirki zamanyň iň iri halkara energetika taslamalarynyň biri bolan Türkmenistan–Owganystan–Pakistan–Hindistan (TOPH) gaz geçirijisiniň durmuşa geçirilmegi dowam edýändigini bellemek gerek. Türkmen halkynyň Milli Lideri, Gahryman Arkadagymyz tarapyndan başy başlanan bu taslama, şu günki gün Prezident Serdar Berdimuhamedowyň ýolbaşçylygynda yzygiderli durmuşa geçirilýär.
TOPH gaz geçirijisiniň «Arkadagyň ak ýoly» diýlip atlandyrylýan Serhetabat–Hyrat esasy böleginiň gurluşygy ýokary depginde alnyp barylýar. Taslamanyň baş potratçysy hökmünde «Türkmengaz» döwlet konserni çykyş edýär, gurluşyk işlerini bolsa göni «Türkmengazgurluşyk» ÝGPJ amala aşyrýar.
Türkmenistanyň Prezidenti Serdar Berdimuhamedowyň wezipä girişmegi mynasybetli dabara geçirildi
2022-nji ýylyň 19-njy marty aýratyn ähmiýetli taryhy waka hökmünde özygtyýarly Türkmen döwletiniň ýyl ýazgysyna girdi. Paýtagtymyzyň Ruhyýet Köşgünde Türkmenistanyň saýlanan Prezidentiniň wezipä girişmegi mynasybetli geçirilen dabara, şeýle hem bu wakanyň öňýanynda geçirilen saýlawlar türkmen halkynyň mizemez jebisligini, onuň jöwher paýhasyny we ýaş nesle bildirýän ynamyny nobatdaky gezek aýdyň görkezdi.
OGT-2023 Halkara maslahatynyň we sergisiniň täze hyzmatdaşlary we gatnaşyjylary belli boldy
25-27-nji oktýabrda Aşgabatda geçiriljek OGT-2023 Halkara maslahatyna we sergisine taýýarlyk işleri ýokary depginde alnyp barylýar. Geçiriljek çäreler üçin 20 ýurtdan 150-den gowrak wekil bellige alyndy. Bu barada guramaçylar habar berýär.
«Türkmengaz» DK-nyň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi
7-nji sentýabrda «Türkmengaz» döwlet konserniniň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Daşary ýurt döwletleriniň Liderleri Serdar Berdimuhamedowy öz ýurtlaryna sapar bilen gelmäge çagyrýar
Türkiýäniň, Azerbaýjanyň, Eýranyň, Gazagystanyň we Gyrgyzystanyň Liderleri hyzmatdaşlygy giňeltmegiň mümkinçiliklerini maslahatlaşmak üçin Türkmenistanyň täze saýlanan Prezidenti Serdar Berdimuhamedowy öz ýurtlaryna sapar bilen gelmäge çagyrýarlar.