Türkmenistanda parnik gazlarynyň zyňyndylarynyň hemra gözegçiliginiň häzirki zaman tehnologiýalary öwrenildi
09:15 08.06.2026 1504
Parnik gazlarynyň zyňyndylaryny hemra arkaly gözegçilik etmegiň häzirki zaman tehnologiýalary Türkmenistanda geçirilen onlaýn okuw sapaklarynyň temasy boldy. Okuwlar Ýewropa Bileleşiginiň goldawy bilen Germaniýanyň Halkara hyzmatdaşlyk jemgyýeti (GIZ) tarapyndan durmuşa geçirilýän «Ýewropa Bileleşigi Türkmenistanda: «ýaşyl» ösüş ýolunda — syýasy gepleşikler we howa çäreleri (2024–2029-njy ýyllar üçin)» taslamasynyň çäginde guraldy.
Okuw sapaklary «Türkmengaz» döwlet konserniniň Tebigy gaz ylmy-barlag institutynyň Maglumat-analitiki merkeziniň binýadynda guraldy. Oňa Türkmenistanyň Daşary işler ministrliginiň, Energetika ministrliginiň, Daşky gurşawy goramak ministrliginiň, şeýle hem «Türkmengaz» we «Türkmennebit» döwlet konsernleriniň hünärmenleri gatnaşdylar.
Okuwyň çäginde hemra arkaly gözegçiligiň häzirki zaman çemeleşmeleri, maglumatlary gaýtadan işlemek usullary, şeýle hem zyňyndylary awtomatiki ýüze çykarmak we olaryň hiline gözegçilik etmek tehnologiýalary görkezildi.
Maglumatlary amaly taýdan ulanmaga we halkara ülňülerine, şol sanda OGMP 2.0 başlangyjyna we Ýewropa Bileleşiginiň talaplaryna aýratyn üns berildi. Gatnaşyjylar «GHGSat» platformasynyň analitiki mümkinçilikleri bilen tanyşdylar we ylmy-tehniki meseleleri gepleşik görnüşinde ara alyp maslahatlaşdylar.
Çäräniň jemleri boýunça diňleýjiler alnan bilimiň ýurtda ekologik gözegçiligi ösdürmek üçin amaly ähmiýetini bellediler.
Türkmenistanyň Prezidenti Serdar Berdimuhamedowyň wezipä girişmegi mynasybetli dabara geçirildi
2022-nji ýylyň 19-njy marty aýratyn ähmiýetli taryhy waka hökmünde özygtyýarly Türkmen döwletiniň ýyl ýazgysyna girdi. Paýtagtymyzyň Ruhyýet Köşgünde Türkmenistanyň saýlanan Prezidentiniň wezipä girişmegi mynasybetli geçirilen dabara, şeýle hem bu wakanyň öňýanynda geçirilen saýlawlar türkmen halkynyň mizemez jebisligini, onuň jöwher paýhasyny we ýaş nesle bildirýän ynamyny nobatdaky gezek aýdyň görkezdi.
OGT-2023 Halkara maslahatynyň we sergisiniň täze hyzmatdaşlary we gatnaşyjylary belli boldy
25-27-nji oktýabrda Aşgabatda geçiriljek OGT-2023 Halkara maslahatyna we sergisine taýýarlyk işleri ýokary depginde alnyp barylýar. Geçiriljek çäreler üçin 20 ýurtdan 150-den gowrak wekil bellige alyndy. Bu barada guramaçylar habar berýär.
«Türkmengaz» DK-nyň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi
7-nji sentýabrda «Türkmengaz» döwlet konserniniň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Daşary ýurt döwletleriniň Liderleri Serdar Berdimuhamedowy öz ýurtlaryna sapar bilen gelmäge çagyrýar
Türkiýäniň, Azerbaýjanyň, Eýranyň, Gazagystanyň we Gyrgyzystanyň Liderleri hyzmatdaşlygy giňeltmegiň mümkinçiliklerini maslahatlaşmak üçin Türkmenistanyň täze saýlanan Prezidenti Serdar Berdimuhamedowy öz ýurtlaryna sapar bilen gelmäge çagyrýarlar.