TNGIZT nebit önümleriniň çykarylyşyny artdyrýar
16:15 26.05.2026 1704
«Türkmennebit» döwlet konserniniň Balkan welaýatynda ýerleşýän Türkmenbaşydaky nebiti gaýtadan işleýän zawodlar toplumynda (TNGIZT) ekologiki taýdan arassa, bäsdeşlige ukyply önümleriň giň toplumy öndürilýär.
2026-njy ýylyň başyndan bäri toplum tarapyndan nebiti gaýtadan işlemek boýunça meýilnama üstünlikli ýerine ýetirilip, 104,9 göterime deň boldy. Benzin, şeýle hem dizel ýangyjyny öndürmek boýunça meýilnamalaryň ýerine ýetirilişi degişlilikde 113,7 we 108,7 göterimi düzdi. Ýag öndürmek boýunça meýilnama 110,3 göterim, suwuklandyrylan gaz öndürmek boýunça bolsa 122,1 göterim ýerine ýetirildi. Tebigy we ugurdaş gazy çykarmakda hem gowy görkezijiler gazanylyp, degişli meýilnama 106,7 göterim ýerine ýetirildi.
Uglewodorod çig malyny gaýtadan işlemegiň geriminiň ösmegine toplumyň maddy-tehniki binýadynyň yzygiderli kämilleşdirilmegi, kuwwatly gazturbina elektrik stansiýalarynyň işe girizilmegi we hereket edýän desgalaryň düýpli döwrebaplaşdyrylmagy ýardam berdi.
TNGIZT-de önümçilik meýilnamalary häzirki zaman tehnologiýalarynyň, innowasion usullaryň we sanly ulgamyň mümkinçilikleriniň ulanylmagy netijesinde üstünlikli berjaý edilýär. Bularyň hemmesi nebiti gaýtadan işleýjileriň nebit önümleriniň möçberini artdyrmakda ýokary sepgitlere ýetmegine şert döredýär.
Ýurdumyzyň nebiti gaýtadan işleýän senagatynyň baýdagy bolan bu kärhanada gysga we uzak möhletli geljege gönükdirilen taslamalar kuwwatly önümçilik düzümleriniň ynamly ösmegini üpjün edýär. Bütindünýä hil ülňülerine laýyk gelýän ýokary liwiddli, bäsdeşlige ukyply önümlere bolan isleg içerki we daşarky bazarlarda barha artýar diýip, www.turkmennebit.gov.tm saýtynda habar berilýär.
Türkmenistanyň Prezidenti Serdar Berdimuhamedowyň wezipä girişmegi mynasybetli dabara geçirildi
2022-nji ýylyň 19-njy marty aýratyn ähmiýetli taryhy waka hökmünde özygtyýarly Türkmen döwletiniň ýyl ýazgysyna girdi. Paýtagtymyzyň Ruhyýet Köşgünde Türkmenistanyň saýlanan Prezidentiniň wezipä girişmegi mynasybetli geçirilen dabara, şeýle hem bu wakanyň öňýanynda geçirilen saýlawlar türkmen halkynyň mizemez jebisligini, onuň jöwher paýhasyny we ýaş nesle bildirýän ynamyny nobatdaky gezek aýdyň görkezdi.
OGT-2023 Halkara maslahatynyň we sergisiniň täze hyzmatdaşlary we gatnaşyjylary belli boldy
25-27-nji oktýabrda Aşgabatda geçiriljek OGT-2023 Halkara maslahatyna we sergisine taýýarlyk işleri ýokary depginde alnyp barylýar. Geçiriljek çäreler üçin 20 ýurtdan 150-den gowrak wekil bellige alyndy. Bu barada guramaçylar habar berýär.
«Türkmengaz» DK-nyň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi
7-nji sentýabrda «Türkmengaz» döwlet konserniniň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Daşary ýurt döwletleriniň Liderleri Serdar Berdimuhamedowy öz ýurtlaryna sapar bilen gelmäge çagyrýar
Türkiýäniň, Azerbaýjanyň, Eýranyň, Gazagystanyň we Gyrgyzystanyň Liderleri hyzmatdaşlygy giňeltmegiň mümkinçiliklerini maslahatlaşmak üçin Türkmenistanyň täze saýlanan Prezidenti Serdar Berdimuhamedowy öz ýurtlaryna sapar bilen gelmäge çagyrýarlar.