“Petronas” kompaniýasynyň tehnologiki uniwersiteti nebitgaz ulgamynda sanly tehnologiýalary we emeli aňy hödürledi
12:51 16.05.2026 100
«PETRONAS» kompaniýasynyň Tehnologiýa uniwersitetiniň professory 11—14-nji maý aralygynda Ýagşygeldi Kakaýew adyndaky Halkara nebit we gaz uniwersitetiniň talyplary hem-de ýaş mugallymlary üçin onlaýn formatda «Gara altyn» mowzugy boýunça ýörite sapak geçdi.
Çykyşyň dowamynda nebitgaz pudagyny ösdürmegiň häzirki zaman meýilleri, şol sanda sanly tehnologiýalaryň, awtomatlaşdyrylan ulgamlaryň we emeli aňa esaslanýan çözgütleriň önümçilikde ulanylyşy giňişleýin gözden geçirildi. Känleri gözlemegiň, olaryň gorlaryny bahalandyrmagyň we çykarylyşynyň netijeliligini ýokarlandyrmagyň döwrebap usullaryna sapakda aýratyn üns berildi.
Şeýle hem professor önümçilik proseslerini kämilleşdirmäge mümkinçilik berýän ýokary takyklykly geologik-analitik usullaryň, monitoring ulgamlarynyň we ekologik taýdan howpsuz tehnologiýalaryň ornaşdyrylyşy barada gürrüň berdi.
Sapaklaryň ahyrynda oňa işjeň gatnaşanlara «PETRONAS» kompaniýasynyň Tehnologiýa uniwersitetiniň ýörite sertifikatlary gowşuryldy. Iki ýokary okuw mekdebiniň arasynda gol çekilen Hyzmatdaşlyk hakyndaky Ähtnama laýyklykda, tutuş 2026-njy ýylyň dowamynda Tehnologiýa uniwersitetiniň birnäçe professorlary tarapyndan hem onlaýn, hem-de ýüzbe-ýüz formatda sapaklaryň guralmagy meýilleşdirilýär. Şol okuw maslahatlary nebit çykaryş pudagyna döwrebap innowasiýalary ornaşdyrmagyň geljegi baradaky mowzuklara bagyşlanar diýlip, www.turkmennebit.gov.tm saýtynda habar berilýär.
«Hazar deňzi – parahatçylyk we dostluk deňzi» atly maslahat öz işini tamamlady
12-nji awgustda «Awaza» milli syýahatçylyk zolagynyň ajaýyp kenarýakasynda şanly sene – Hazar deňziniň güni dabaraly bellenildi. Baýramçylyk çäreleriniň çäklerinde ylmy-amaly maslahat, sergi, sport ýaşlary, döredijilik bäsleşikleri, şeýle hem welaýatyň aýdym-saz toparlarynyň çykyşlary guraldy. Bu barada Türkmenistanyň DIM-niň saýty habar berýär.
TDHÇMB-niň söwdalarynda Türkiýeden we Owganystandan telekeçiler «Türkmennebit» DK-nyň awtobenzinini satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 25-si hasaba alyndy.
Türkmenistan — Gruziýa awiaýangyjy iň iri iberiji ýurt
Şu ýylyň ýanwar-iýul aýlarynda Türkmenistan Gruziýa 29,6 müň tonna awiasion ýangyjyny eksport etdi. Business Media Georgia-nyň Gruziýanyň nebit önümlerini import edijileri birleşigine salgylanyp habar bermegine görä, bu 2023-nji ýylyň ýedi aýynda Gruziýanyň awiasion ýangyç importynyň umumy möçberiniň 44,1%-ini eýeleýär.
«Mawy ýangyç» Halaç etrabynyň sarp edijilerine bökdençsiz ýetirilýär
«Türkmenistany durmuş-ykdysady taýdan ösdürmegiň Milli maksatnamasyna» laýyklykda, ýurdumyzda durmuşa geçirilýän esasy wezipeleriň biri hem ilatly nokatlary gaz bilen üpjün etmek bolup durýar. Bu günki gün «mawy ýangyjyň» hözirini ýurdumyzyň çetki ilatly nokatlary hem görýär. Obalary we şäherleri gaz bilen üpjün etmek boýunça giň gerimli çäreleriň netijesinde tebigy gaz Lebap welaýatynyň Halaç etrabynyň ilatly nokatlaryna hem bökdençsiz ýetirilýär.
Kalplara ornan gözellik
Şeýle at bilen «Türkmengaz» döwlet konserniniň Ylmy-barlag tebigy gaz institutynyň mejlisler zalynda Arkadag Serdarly bagtyýar ýaşlar ýylynda mähriban enelerimiziň miras goýan nepis we inçe sungatyny öwrenmek, ösdürmek hem-de kämilleşdirmek, çeper el hünäriniň şan-şöhratyny dünýä ýaýmak maksady bilen wagyz-nesihat ýygnagy geçirildi. «Türkmengaz» döwlet konserniniň ilkinji zenanlar guramasy tarapyndan geçirilen çärä ýurdumyzyň ýangyç-energetika toplumynyň edara-kärhanalarynyň hünärmenleri, nurana ýüzli gelin-gyzlarymyzdyr mähriban eneler gatnaşdylar.