Gazhimiýa ulgamynda iri taslamalary durmuşa geçirmekde koreý kompaniýalarynyň goşandy nygtaldy
12:53 16.05.2026 131
14-nji maýda Türkmenistanyň Daşary işler ministriniň orunbasary Ahmet Gurbanowyň Koreýa Respublikasynyň Türkmenistandaky Adatdan daşary we Doly ygtyýarly Ilçisi Li Won-Je bilen duşuşygy geçirildi. Bu barada türkmen daşary syýasat edarasynyň saýtynda habar berilýär.
Duşuşygyň dowamynda diplomatlar syýasy-diplomatik ugurdaky hyzmatdaşlygyň ösüşini, şol sanda daşary syýasat edaralarynyň arasyndaky yzygiderli geňeşmeleri, parlamentara gatnaşyklary hem-de halkara guramalarynyň, ilkinji nobatda BMG-niň çäklerindäki hyzmatdaşlygy ara alyp maslahatlaşdylar. Taraplaryň halkara başlangyçlaryny özara goldaýandyklary bellenildi.
Taraplar türkmen-koreý gatnaşyklarynyň ösdürilmeginde ýokary we iň ýokary derejedäki saparlaryň hem-de aragatnaşyklaryň möhüm ähmiýetini aýratyn nygtadylar.
Koreý kompaniýalarynyň Türkmenistanyň gazhimiýa pudagyny ösdürmekde möhüm orun tutýandygyny aýratyn bellemek gerek. Bu ugurda birnäçe senagat desgalaryny taslamalaşdyrmakda, gurmakda we döwrebaplaşdyrmakda işjeň gatnaşýan «Hyundai Engineering», «LG International» hem-de «Daewoo E&C» kompaniýalary öňdebaryjy hyzmatdaşlar bolup durýarlar.
Bilelikde amala aşyrylan iri taslamalaryň hatarynda Balkan welaýatynyň Gyýanly şäherçesindäki gazhimiýa toplumyny, «Galkynyş» ýatagyndaky harytlyk gazy arassalaýjy zawody, Türkmenbaşydaky nebiti gaýtadan işleýän zawodlar toplumynda (TNGIZT) täze tehnologik ulgamlary gurnamak boýunça birnäçe taslamalary we beýlekileri görkezmek bolar.
Häzirki wagtda «Daewoo Engineering & Construction» kompaniýasy täze taslamalara, şol sanda mineral dökünleri öndürýän täze toplumyň gurluşygyna işjeň gatnaşýar. Şol bir wagtyň özünde, «Hyundai Engineering» kompaniýasy Gyýanlydaky polimer zawodynyň işini durnuklaşdyrmak boýunça taslamalaryň ikinji tapgyrynyň üstünde işleýär.
Türkmen kompaniýalarynyň koreýaly hyzmatdaşlar bilen bilelikde durmuşa geçirýän ähli taslamalary tebigy gazy çuňňur gaýtadan işlemäge, ýokary goşulan bahaly önümleri öndürmäge we ýurduň eksport kuwwatyny artdyrmaga gönükdirilendir.
«Hazar deňzi – parahatçylyk we dostluk deňzi» atly maslahat öz işini tamamlady
12-nji awgustda «Awaza» milli syýahatçylyk zolagynyň ajaýyp kenarýakasynda şanly sene – Hazar deňziniň güni dabaraly bellenildi. Baýramçylyk çäreleriniň çäklerinde ylmy-amaly maslahat, sergi, sport ýaşlary, döredijilik bäsleşikleri, şeýle hem welaýatyň aýdym-saz toparlarynyň çykyşlary guraldy. Bu barada Türkmenistanyň DIM-niň saýty habar berýär.
TDHÇMB-niň söwdalarynda Türkiýeden we Owganystandan telekeçiler «Türkmennebit» DK-nyň awtobenzinini satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 25-si hasaba alyndy.
Türkmenistan — Gruziýa awiaýangyjy iň iri iberiji ýurt
Şu ýylyň ýanwar-iýul aýlarynda Türkmenistan Gruziýa 29,6 müň tonna awiasion ýangyjyny eksport etdi. Business Media Georgia-nyň Gruziýanyň nebit önümlerini import edijileri birleşigine salgylanyp habar bermegine görä, bu 2023-nji ýylyň ýedi aýynda Gruziýanyň awiasion ýangyç importynyň umumy möçberiniň 44,1%-ini eýeleýär.
«Mawy ýangyç» Halaç etrabynyň sarp edijilerine bökdençsiz ýetirilýär
«Türkmenistany durmuş-ykdysady taýdan ösdürmegiň Milli maksatnamasyna» laýyklykda, ýurdumyzda durmuşa geçirilýän esasy wezipeleriň biri hem ilatly nokatlary gaz bilen üpjün etmek bolup durýar. Bu günki gün «mawy ýangyjyň» hözirini ýurdumyzyň çetki ilatly nokatlary hem görýär. Obalary we şäherleri gaz bilen üpjün etmek boýunça giň gerimli çäreleriň netijesinde tebigy gaz Lebap welaýatynyň Halaç etrabynyň ilatly nokatlaryna hem bökdençsiz ýetirilýär.
Kalplara ornan gözellik
Şeýle at bilen «Türkmengaz» döwlet konserniniň Ylmy-barlag tebigy gaz institutynyň mejlisler zalynda Arkadag Serdarly bagtyýar ýaşlar ýylynda mähriban enelerimiziň miras goýan nepis we inçe sungatyny öwrenmek, ösdürmek hem-de kämilleşdirmek, çeper el hünäriniň şan-şöhratyny dünýä ýaýmak maksady bilen wagyz-nesihat ýygnagy geçirildi. «Türkmengaz» döwlet konserniniň ilkinji zenanlar guramasy tarapyndan geçirilen çärä ýurdumyzyň ýangyç-energetika toplumynyň edara-kärhanalarynyň hünärmenleri, nurana ýüzli gelin-gyzlarymyzdyr mähriban eneler gatnaşdylar.