Sagdyn durmuş — bagtyýar geljek
11:58 15.05.2026 173
«Türkmengaz» döwlet konserniniň Ylmy-barlag tebigy gaz institutynda sagdyn durmuş ýörelgeleri bilen bagly wagyz-nesihat çäresi geçirildi. Oňa «Türkmengaz», «Türkmennebit» döwlet konsernleriniň, «Türkmengeologiýa» DK-nyň hünärmenleri gatnaşdylar. Ýygnakda Türkmenistanyň Mejlisiniň, hukuk goraýjy edaralaryň, saglygy goraýyş ulgamynyň, jemgyýetçilik guramalarynyň wekilleriniň çykyşlaryna giň orun berildi.
Bellenilişi ýaly, Berkarar döwletiň täze eýýamynyň Galkynyşy döwründe hormatly Prezidentimiziň tagallasy bilen sagdyn durmuşy dabaralandyrmakda möhüm işler durmuşa geçirilýär, köpçülikleýin bedenterbiýe hereketi işjeň häsiýete eýe bolýar, sport ulgamynda uly ösüşler gazanylýar we belent sepgitler eýelenýär.
Ýurdumyzda alnyp barylýan parasatly döwlet syýasatynyň netijesinde häzirki wagtda sagdyn durmuşa eýermek, sport bilen meşgullanmak halk köpçüliginiň arasynda uly goldaw tapýar. Berkarar döwletimizde ähli ýaşdaky adamlar bedenterbiýe hereketine işjeň goşulyşýarlar. Ýurdumyzyň sebitlerinde sport bilen meşgullanýan ýaşlaryň we çagalaryň sany barha artýar. Sportuň dürli görnüşleri bilen meşgullanmaga döredilen amatly şertler türkmen türgenleriniň halkara ýaryşlarynda üstünlikli çykyş etmegine mümkinçilik berýär.
Çärede çykyş edenleriň aýratyn nygtaýşy ýaly, bu günki gün Türkmenistan sagdyn ýaşaýşyň, sagdyn ösüşiň, sport dünýäsinde uly üstünlikleriň gazanylýan ýurduna öwrüldi.
«Hazar deňzi – parahatçylyk we dostluk deňzi» atly maslahat öz işini tamamlady
12-nji awgustda «Awaza» milli syýahatçylyk zolagynyň ajaýyp kenarýakasynda şanly sene – Hazar deňziniň güni dabaraly bellenildi. Baýramçylyk çäreleriniň çäklerinde ylmy-amaly maslahat, sergi, sport ýaşlary, döredijilik bäsleşikleri, şeýle hem welaýatyň aýdym-saz toparlarynyň çykyşlary guraldy. Bu barada Türkmenistanyň DIM-niň saýty habar berýär.
TDHÇMB-niň söwdalarynda Türkiýeden we Owganystandan telekeçiler «Türkmennebit» DK-nyň awtobenzinini satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 25-si hasaba alyndy.
Türkmenistan — Gruziýa awiaýangyjy iň iri iberiji ýurt
Şu ýylyň ýanwar-iýul aýlarynda Türkmenistan Gruziýa 29,6 müň tonna awiasion ýangyjyny eksport etdi. Business Media Georgia-nyň Gruziýanyň nebit önümlerini import edijileri birleşigine salgylanyp habar bermegine görä, bu 2023-nji ýylyň ýedi aýynda Gruziýanyň awiasion ýangyç importynyň umumy möçberiniň 44,1%-ini eýeleýär.
«Mawy ýangyç» Halaç etrabynyň sarp edijilerine bökdençsiz ýetirilýär
«Türkmenistany durmuş-ykdysady taýdan ösdürmegiň Milli maksatnamasyna» laýyklykda, ýurdumyzda durmuşa geçirilýän esasy wezipeleriň biri hem ilatly nokatlary gaz bilen üpjün etmek bolup durýar. Bu günki gün «mawy ýangyjyň» hözirini ýurdumyzyň çetki ilatly nokatlary hem görýär. Obalary we şäherleri gaz bilen üpjün etmek boýunça giň gerimli çäreleriň netijesinde tebigy gaz Lebap welaýatynyň Halaç etrabynyň ilatly nokatlaryna hem bökdençsiz ýetirilýär.
Kalplara ornan gözellik
Şeýle at bilen «Türkmengaz» döwlet konserniniň Ylmy-barlag tebigy gaz institutynyň mejlisler zalynda Arkadag Serdarly bagtyýar ýaşlar ýylynda mähriban enelerimiziň miras goýan nepis we inçe sungatyny öwrenmek, ösdürmek hem-de kämilleşdirmek, çeper el hünäriniň şan-şöhratyny dünýä ýaýmak maksady bilen wagyz-nesihat ýygnagy geçirildi. «Türkmengaz» döwlet konserniniň ilkinji zenanlar guramasy tarapyndan geçirilen çärä ýurdumyzyň ýangyç-energetika toplumynyň edara-kärhanalarynyň hünärmenleri, nurana ýüzli gelin-gyzlarymyzdyr mähriban eneler gatnaşdylar.