Puyang Shengyuan hytaý kompaniýasy Türkmenistanda gazy gaýtadan işlemek boýunça taslamany durmuşa geçirmegi teklip edýär
11:06 13.05.2026 406
Hytaýyň Puyang Shengyuan nebithimiýa topary Türkmenistanyň gaz gorlaryny senagat taýdan ulanmagy giňeltmäge gönükdirilen iri gaz gaýtadan işleýiş taslamasyny durmuşa geçirmegi teklip edýär. Bu başlangyç barada kompaniýanyň prezidenti Wan Siçen Aşgabatda geçirilen türkmen-hytaý işewürler-forumynda mälim etdi.
Taslama nebithimiýa ulgamy, Oba hojalygy we energetika ýaly üç sany önümçilik ugruna esaslanýan toplumlaýyn gaz gaýtadan işleýiş toplumy hökmünde meýilleşdirilýär.
Bu meýilnama tebigy gazyň goşulan bahasyny ýokarlandyrmaga, täze iş orunlaryny döretmäge hem-de logistika, hyzmatlar we maşyngurluşyk ýaly ugurdaş pudaklaryň ösmegine ýardam bermäge gönükdirilendir.
Taslamanyň esasy bölegi ýylda 1,8 million tonna metanol öndürýän zawod, şeýle hem ýokary dykyzlykly polietilen we polipropilen önümçiligidir. Bu barada business.com.tm saýty habar berýär.
Ýurdumyzda Prezident saýlawlaryna uly gyzyklanma bildirilýär
«Halkyň Arkadagly zamanasy» diýlip yglan edilen ýylyň ilkinji aýlarynda Türkmenistanyň Prezidentiniň saýlawlary boýunça möhüm jemgyýetçilik-syýasy çäre açyklyk, aýdyňlyk, demokratik we giň bäsdeşlik esasynda geçirilýär. Häzirki wagtda onuň birinji tapgyry — ýokary döwlet wezipesine dalaşgärleri hödürlemek we bellige almak tamamlandy.
GDA-nyň Synçylar wekilligi Türkmenistanda Prezident saýlawlaryna taýýarlyga syn etmek boýunça öz işine başlady
Türkmenistanda Garaşsyz Döwletleriň Arkalaşygynyň Synçylar wekilligi öz işine başlady. Onuň agzalary Türkmenistanyň Prezidentiniň 12-nji martda geçiriljek saýlawlary bilen baglylykda, türkmen tarapynyň çagyrmagy boýunça paýtagtymyza geldi diýip, Türkmenistanyň Döwlet habarlar agentligi habar berýär.
Nebitgaz toplumynyň önümleri birža söwdalarynda öňdeligi eýeledi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 20-si hasaba alyndy.
Türkmenistan we Singapur birnäçe ugurlar boýunça hyzmatdaşlygy ösdürmek üçin uly mümkinçiliklere eýe — DIM
Türkmenistan we Singapur dürli ugurlar boýunça özara bähbitli gatnaşyklary ösdürmek üçin ägirt uly mümkinçiliklere eýedir. Bu barada Türkmenistanyň Singapur Respublikasyndaky Adatdan daşary we Doly ygtyýarly ilçisi (oturýan ýeri Seul ş.) B.Durdiýewiň Singapur Respublikasynyň Prezidenti Halime Ýakoba ynanç hatlarynyň gowşurylyş dabarasynda geçirilen duşuşykda aýdyldy.
Türkmenistanyň we Owganystanyň wekilleri ýangyç-energetika we ulag ulgamlarynda hyzmatdaşlyk resminamalaryna gol çekdiler
30-njy awgustda Aşgabatda Türkmenistanyň we Owganystanyň wekiliýetleriniň duşuşygynyň netijeleri boýunça ýangyç-energetika we ulag ulgamlarynda hyzmatdaşlyk hakynda resminamalara gol çekildi diýip, TDH habar berýär.