Türkmenistanyň DIM-niň ýolbaşçysy we Malaýziýanyň ilçisi nebitgaz ulgamynda uly iş tejribelerini nygtadylar
11:58 29.04.2026 1269
27-nji aprelde Türkmenistanyň daşary işler ministri Raşid Meredow bilen Malaýziýanyň Türkmenistandaky Adatdan daşary we Doly ygtyýarly ilçisi Mohd Suhaimi Bin Ahmad Tajuddin bilen duşuşyk geçirildi. Bu barada türkmen daşary syýasat edarasy habar berýär.
Duşuşygyň dowamynda şu ýyl Malaýziýanyň nebitgaz ulgamynda uly iş tejribesi bolan «Petronas» kompaniýasynyň Türkmenistan bilen hyzmatdaşlygyna 30 ýyl dolýandygy nygtaldy.
Diplomatlar bilim ulgamyndaky hyzmatdaşlygyň netijeliligini tassykladylar. Türkmen talyplarynyň ýüzlerçesi Malaýziýanyň ýokary okuw mekdeplerinde bilim alýarlar. «PETRONAS Çarigali (Türkmenistan) Sdn Bhd» kompaniýasy bilen baglaşylan ylalaşygyň çäklerinde «Petronas» Tehnologik uniwersiteti bilen netijeli gatnaşyklar alnyp barylýar. Şeýle hem, türkmen hünärmenleri Malaýziýanyň tehniki hyzmatdaşlyk maksatnamasynyň ugry boýunça okuw maslahatlaryna we seminarlaryna gatnaşýarlar.
Duşuşygyň dowamynda taraplar öňde boljak ýokary döwlet we hökümet derejesindäki duşuşyklar bilen bagly meselelere seretdiler.
Nebitgaz we ulag — Türkmenistanyň hem-de Gazagystanyň hyzmatdaşlygynyň ileri tutulýan ugurlary
Nebitgaz we ulag ulgamlarynda hyzmatdaşlyk Türkmenistan bilen Gazagystanyň ikitaraplaýyn we köptaraplaýyn özara gatnaşyklarynyň ileri tutulýan ugry hökmünde bellenildi. Bu barada Ykdysady, ylmy-tehniki we medeni hyzmatdaşlyk boýunça Hökümetara türkmen-gazak toparynyň nobatdaky 11-nji mejlisinde belledildi. Mejlis 20-nji dekabrda Aşgabatda geçirildi diýip, Türkmenistanyň daşary syýasat edarasynyň saýty habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
TDHÇMB-niň söwdalarynda daşarky we içerki bazarlara ýangyç-energetika toplumynyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 30-sy hasaba alyndy.
Aşgabat we Yslamabat TOPH gaz geçirijisiniň gurluşygyny işjeňleşdirer
Türkmenistanyň Prezidenti Gurbanguly Berdimuhamedowyň tabşyrygy boýunça, duşenbe güni Yslamabat şäherinde Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredowyň Pakistan Yslam Respublikasynyň Prezidenti Arif Alwi bilen duşuşygy geçirildi diýip, Türkmenistanyň daşary syýasat edarasynyň saýty habar berýär.
Hanhowuz “Türkmengaz” DK-nyň senagat kärhanalarynyň bökdençsiz işini üpjün edýär
Suw arassalaýjy desgalar Türkmenistanyň iri senagat kärhanalarynyň bökdençsiz işlemegini üpjün edýärler. Şeýle kärhanalaryň biri hem – Mary welaýatynyň çäginde ýerleşen Janhowuz desgasydyr. Bu desga eýýäm ýarym asyrdan gowrak wagt bäri Günbatar we Gündogar Şatlyk gaz känlerini, şeýle hem sebitiň beýleki infrasturktura desgalaryny arassa agyz suwy bilen üpjün edip gelýär.