Aşgabatda Türkmenistan bilen Hytaýyň arasynda gaz pudagynda hyzmatdaşlygyň 20 ýyllygy mynasybetli Halkara maslahat açyldy
20:41 16.04.2026 154
Şu gün, 16-njy aprelde, Türkmenistanyň Söwda-senagat edarasynda Türkmenistan bilen Hytaý Halk Respublikasynyň gaz pudagyndaky strategik hyzmatdaşlygynyň 20 ýyllygyna bagyşlanan «Türkmenistan – Hytaý Halk Respublikasy: gaz pudagynda strategik hyzmatdaşlygyň 20 ýyly» atly halkara ylmy-amaly maslahat geçirildi.
Ýokary derejeli umumy mejlisi strategik energetika hyzmatdaşlygy, maýa goýumlary we gaz pudagynyň ösüşi ýaly möhüm temalary öz içine aldy. Mejlise Türkmenistanyň Döwlet daşary ykdysady iş bankynyň müdiriýetiniň başlygy Rahymberdi Jepbarow moderatorlyk etdi.
Mejlisiň dowamynda Türkmenistanyň Ministrler Kabinetiniň Başlygynyň orunbasary Guwanç Agajanow, HHR-iň Döwlet geňeşiniň Premýer-ministriniň birinji orunbasary Din Sýuesýan, Döwlet ministri – «Türkmengaz» döwlet konserniniň başlygy Maksat Babaýew, şeýle-de Hytaýyň Milli nebitgaz korporasiýasynyň (CNPC) Direktorlar geňeşiniň başlygy Daý Houlýan çykyş etdiler.
Çykyş edenler Türkmenistan bilen Hytaýyň arasyndaky energetika dialogynyň tutuş sebitiň ykdysady taýdan gülläp ösmegi üçin aýratyn ähmiýete eýedigini nygtadylar.
Maslahatyň maksatnamasyna iki sany mowzuklaýyn sessiýa girizildi. Birinji sessiýa Türkmenistanyň ileri tutulýan gaz taslamalaryna — serişde binýadyna, maýa goýum mümkinçiliklerine we halkara bazarlaryna energiýa göterijileri durnukly ibermek üçin eksport düzümini ösdürmek meselelerine bagyşlandy.
Ikinji sessiýa bolsa hyzmatdaşlygyň ylmy we bilim ugurlaryny öz içine aldy. Bu ýerde nebitgaz pudagy üçin hünärmenleri taýýarlamak, bilelikdäki bilim maksatnamalaryny işläp düzmek, türkmen we hytaý hünärmenleriniň arasynda tejribe alyşmak hem-de ylmy gatnaşyklary berkitmek ýaly meseleler ara alnyp maslahatlaşyldy.
Aşgabat forumy köp ýyllyk hyzmatdaşlygyň netijelerini jemlemek we ýangyç-energetika toplumyny ösdürmegiň geljekki ugurlaryny kesgitlemek üçin öňdebaryjy bilermenleri, degişli pudak müdiriýetleriniň ýolbaşçylaryny we iri energetika kompaniýalarynyň wekillerini bir ýere jemledi.
Maslahatyň çäginde, şeýle-de gatnaşyjylaryň Türkmenistanyň we Hytaýyň gaz senagatyndaky soňky gazananlary we tehnologik çözgütleri bilen tanşyp biljek mowzuklaýyn sergisi hem guraldy.
Serdar Berdimuhamedow ulag ulgamynda BMG-niň howandarlygynda täze halkara başlangyçlary öňe sürdi
Türkmenistanyň Prezidenti Serdar Berdimuhamedow deňze çykalgasy bolmadyk döwletler üçin ulag ulgamynda BMG-niň howandarlygynda täze halkara başlangyçlaryny öňe sürdi. Bu barada döwlet Baştutany 15-nji awgustda Hazar deňziniň türkmen kenarynda «Awaza» milli syýahatçylyk zolagynda açylan Deňze çykalgasy bolmadyk ösüp barýan döwletleriň ulag ministrleriniň derejesindäki Halkara maslahatyna iberen wideoýüzlenmesinde belledi.
Türkmenistanyň we Bütindünýä bankynyň wekilleri hyzmatdaşlygy giňeltmegiň geljegini maslahatlaşdylar
27-nji fewralda Türkmenistanyň Maliýe we ykdysadyýet ministrliginde Bütindünýä bankynyň wise-prezidenti Antonella Bassani bilen geçirilen duşuşykda özara bähbitli hyzmatdaşlygy giňeltmegiň mümkinçilikleri ara alnyp maslahatlaşyldy. Duşuşyga şeýle hem Bütindünýä bankynyň sebit direktorlary we Halkara maliýe korporasiýasynyň wekilleri gatnaşdy diýip, ministrlik habar berýär.
Türkmenistanyň BSG girmeginiň çäklerinde senagat we söwda syýasatynyň meseleleri maslahatlaşyldy
26-27-nji fewralda ÝHHG-niň Aşgabatdaky merkezinde geçirilen okuw maslahatynda Türkmenistanyň Bütindünýä Söwda Guramasyna (BSG) goşulmagynyň geljegi bilen bagly milli senagat we söwda syýasatynyň meseleleri ara alnyp maslahatlaşyldy.
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar. Bu barada 15-16-njy awgustda Awazada geçirilen ulag forumynyň çäginde Türkmenistan Ministrler Kabinetiniň Başlygynyň Orunbasary, Daşary işler ministri Raşid Meredow bilen Birleşen Arap Emirlikleriniň Energetika we infrastruktura ministri Suheil Al-Mazruiniň arasynda geçirilen duşuşykda bellenildi.
Türkmenistanyň Prezidenti: geljek ulag gatnaşyklarynyň utgaşdyrylan ulgamynda
Geljek ulag gatnaşyklarynyň utgaşdyrylan ulgamynda. Bu barada Prezident Serdar Berdimuhamedow «Awaza» milli syýahatçylyk zolagynda geçirilýän deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahatda eden çykyşynda belledi.