Türkmenistan OTC Asia 2026 forumynda energetika ulgamynda hyzmatdaşlygyny berkidýär
09:42 16.04.2026 410
Türkmenistan dünýäniň energetika bileleşigi bilen hyzmatdaşlygy berkitmegini dowam etdirip, golaýda Kuala-Lumpurda geçirilen «Offshore Technology Conference Asia 2026» (OTC Asia) forumyna işjeň gatnaşdy.
PETRONAS kompaniýasy tarapyndan guralan bu çäre dünýäniň 80-den gowrak ýurdundan 25 müňden gowrak gatnaşyjyny, şol sanda öňdebaryjy energetika kompaniýalaryny, hökümet wekillerini we tehnologiýa üpjünçilerini bir ýere jemledi. OTC Asia Aziýa-Ýuwaş ummany sebitinde deňiz energetikasy ulgamynda dialog, innowasiýa we hyzmatdaşlyk üçin iň möhüm platformalaryň biri hökmünde özüni tassyklady. Şu ýylky maslahatyň esasy temasy has durnukly we utgaşdyrylan energetika ulgamyny gurmagyň zerurlygy boldy. Forumyň dowamynda deňiz ýataklaryny özleşdirmek, sanlylaşdyrmak we energetikanyň durnukly ösüşi baradaky amaly çözgütler ara alnyp maslahatlaşyldy.
Türkmenistanyň energetika pudagynyň wekilleriniň bu çärä gatnaşmagy, ýurdumyzyň pudaklaýyn ösüşiň dünýä meýilleri bilen ýakyndan gatnaşyk saklamaga hem-de halkara hyzmatdaşlygyny giňeltmäge ygrarlydygyny ýene bir gezek subut etdi. Maslahatyň çäginde pudaklaýyn wekiller bilen birnäçe duşuşyklar geçirildi. Olar deňizden uglewodorod çykarmagyň mümkinçiliklerini ýokarlandyrmak, tehniki taýýarlyk we tejribe alyşmak ýaly Türkmenistanyň energetika pudagyny döwrebaplaşdyrmakda ileri tutulýan ugurlara gönükdirildi.
Esasan hem Türkmenistanyň energetika pudagyndaky esasy halkara maýadarlarynyň biri bolan PETRONAS kompaniýasy we beýleki malaýziýaly hyzmatdaşlar bilen gatnaşyklary berkitmäge aýratyn üns berildi. Şeýle-de, Nebitçi-işewürleriň jemgyýetiniň we Malaýziýanyň nebitgaz we energetika hyzmatlary geňeşiniň wekilleri bilen tehniki dialogy güýçlendirmek hem-de hünärmenleriň ukyplaryny ýokarlandyrmak boýunça duşuşyklar geçirildi.
Gepleşikleriň netijesinde halkara hyzmatdaşlary Türkmenistanyň Aşgabatda geçiriljek möhüm energetika çärelerine gatnaşmaga çagyryldy. Bu çäreleriň hatarynda 2026-njy ýylyň 4-5-nji iýunynda geçiriljek TESC 2026 halkara ylmy-amaly maslahaty we 21-23-nji oktýabrda geçiriljek «Türkmenistanyň nebiti we gazy – OGT 2026» 31-nji halkara maslahaty we sergisi bar.
OTC Asia forumyna gatnaşmagy Türkmenistana öňdebaryjy deňiz tehnologiýalaryna, sanly çözgütlere we dünýäniň iň gowy tejribelerine elýeterlilik açmaga mümkinçilik berýär diýip, «Turkmen Energy Forum» habar berýär.
Serdar Berdimuhamedow ulag ulgamynda BMG-niň howandarlygynda täze halkara başlangyçlary öňe sürdi
Türkmenistanyň Prezidenti Serdar Berdimuhamedow deňze çykalgasy bolmadyk döwletler üçin ulag ulgamynda BMG-niň howandarlygynda täze halkara başlangyçlaryny öňe sürdi. Bu barada döwlet Baştutany 15-nji awgustda Hazar deňziniň türkmen kenarynda «Awaza» milli syýahatçylyk zolagynda açylan Deňze çykalgasy bolmadyk ösüp barýan döwletleriň ulag ministrleriniň derejesindäki Halkara maslahatyna iberen wideoýüzlenmesinde belledi.
Türkmenistanyň we Bütindünýä bankynyň wekilleri hyzmatdaşlygy giňeltmegiň geljegini maslahatlaşdylar
27-nji fewralda Türkmenistanyň Maliýe we ykdysadyýet ministrliginde Bütindünýä bankynyň wise-prezidenti Antonella Bassani bilen geçirilen duşuşykda özara bähbitli hyzmatdaşlygy giňeltmegiň mümkinçilikleri ara alnyp maslahatlaşyldy. Duşuşyga şeýle hem Bütindünýä bankynyň sebit direktorlary we Halkara maliýe korporasiýasynyň wekilleri gatnaşdy diýip, ministrlik habar berýär.
Türkmenistanyň BSG girmeginiň çäklerinde senagat we söwda syýasatynyň meseleleri maslahatlaşyldy
26-27-nji fewralda ÝHHG-niň Aşgabatdaky merkezinde geçirilen okuw maslahatynda Türkmenistanyň Bütindünýä Söwda Guramasyna (BSG) goşulmagynyň geljegi bilen bagly milli senagat we söwda syýasatynyň meseleleri ara alnyp maslahatlaşyldy.
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar. Bu barada 15-16-njy awgustda Awazada geçirilen ulag forumynyň çäginde Türkmenistan Ministrler Kabinetiniň Başlygynyň Orunbasary, Daşary işler ministri Raşid Meredow bilen Birleşen Arap Emirlikleriniň Energetika we infrastruktura ministri Suheil Al-Mazruiniň arasynda geçirilen duşuşykda bellenildi.
Türkmenistanyň Prezidenti: geljek ulag gatnaşyklarynyň utgaşdyrylan ulgamynda
Geljek ulag gatnaşyklarynyň utgaşdyrylan ulgamynda. Bu barada Prezident Serdar Berdimuhamedow «Awaza» milli syýahatçylyk zolagynda geçirilýän deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahatda eden çykyşynda belledi.