Ýaponiýa Türkmenistana gazy gaýtadan işlemek we geliý öndürmek ulgamynda taslamalary hödürleýär
11:53 03.04.2026 5418
Türkmenistanyň Ýaponiýadaky ilçisi Atadurdy Baýramow Türkmen-ýapon ylmy-tehnologik assosiasiýasynyň prezidenti H.Koýnuma, şeýle hem bu assosiasiýa bilen bilelikde iş alyp barýan ýapon kompaniýalarynyň we guramalarynyň wekilleri bilen duşuşyk geçirdi. Bu barada Türkmenistan Halkara habarlar merkezi (THP) habar berýär.
Duşuşygyň dowamynda Türkmenistan bilen Ýaponiýanyň arasyndaky ylmy-tehnologik hyzmatdaşlygy berkitmek, şeýle hem Türkmenistanyň bazaryna täze ýapon kompaniýalaryny we guramalaryny çekmek meseleleri ara alnyp maslahatlaşyldy.
Hususan-da, Çubu ýapon uniwersiteti professory tarapyndan hödürlenen, tebigy gazy suwuklandyrylan gaza öwürmek we soňra dünýä bazarlaryna çykarmak, şeýle hem suwuklandyrylan gazdan geliý öndürmegi ýola goýmak baradaky taslamanyň mümkinçilikleri barada gürreň edildi.
Mundan başga-da, taraplar Türkmenistanyň Oguz han adyndaky Inžener-tehnologiýalar uniwersitetiniň hyzmatdaşy bolan Ýaponiýanyň «Tohkemy Corporation» kompaniýasy tarapyndan suwy arassalamak boýunça tehnologiýalary we enjamlary ornaşdyrmak barada pikir alyşdylar. Bu hyzmatdaşlyk Türkmenistanyň Prezidentiniň 2025-nji ýylyň 15-nji aprelinde Ýaponiýa amala aşyran saparynyň çäklerinde gol çekilen özara düşünişmek baradaky Ähtnama esaslanýar.
Şeýle-de duşuşykda Ýaponiýanyň «Asia Seed» guramasynyň Aziýa sebitiniň ýurtlarynyň bilim ulgamynda adam serişdelerini ösdürmek boýunça hödürleýän hyzmatlary barada maglumat berildi.
Türkmenistanyň Prezidenti Serdar Berdimuhamedowyň wezipä girişmegi mynasybetli dabara geçirildi
2022-nji ýylyň 19-njy marty aýratyn ähmiýetli taryhy waka hökmünde özygtyýarly Türkmen döwletiniň ýyl ýazgysyna girdi. Paýtagtymyzyň Ruhyýet Köşgünde Türkmenistanyň saýlanan Prezidentiniň wezipä girişmegi mynasybetli geçirilen dabara, şeýle hem bu wakanyň öňýanynda geçirilen saýlawlar türkmen halkynyň mizemez jebisligini, onuň jöwher paýhasyny we ýaş nesle bildirýän ynamyny nobatdaky gezek aýdyň görkezdi.
OGT-2023 Halkara maslahatynyň we sergisiniň täze hyzmatdaşlary we gatnaşyjylary belli boldy
25-27-nji oktýabrda Aşgabatda geçiriljek OGT-2023 Halkara maslahatyna we sergisine taýýarlyk işleri ýokary depginde alnyp barylýar. Geçiriljek çäreler üçin 20 ýurtdan 150-den gowrak wekil bellige alyndy. Bu barada guramaçylar habar berýär.
«Türkmengaz» DK-nyň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi
7-nji sentýabrda «Türkmengaz» döwlet konserniniň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Daşary ýurt döwletleriniň Liderleri Serdar Berdimuhamedowy öz ýurtlaryna sapar bilen gelmäge çagyrýar
Türkiýäniň, Azerbaýjanyň, Eýranyň, Gazagystanyň we Gyrgyzystanyň Liderleri hyzmatdaşlygy giňeltmegiň mümkinçiliklerini maslahatlaşmak üçin Türkmenistanyň täze saýlanan Prezidenti Serdar Berdimuhamedowy öz ýurtlaryna sapar bilen gelmäge çagyrýarlar.