HNGU-da nebitgaz pudagynda sanly çözgütleriň orny maslahatlaşyldy
12:54 19.03.2026 2623
Ýagşygeldi Kakaýew adyndaky Halkara nebit we gaz uniwersitetinde «Geologiki gözleg işlerinden önümçilige çenli: nebitgaz senagatynda sanly tehnologiýalaryň orny» diýen temada "tegelek stoluň" başynda ylmy seminar geçirildi. Bu çäre nebitgaz pudagynda döwrebap sanly tehnologiýalaryň ornuny we olary netijeli ulanmagyň ýollaryny ara alyp maslahatlaşmak maksady bilen guraldy.
Çykyş edenler seýsmiki maglumatlary emeli aňyň kömegi bilen çalt we takyk seljermegiň mümkinçilikleri; Geologiki modelleri döretmekde maşyn öwrenmesi usullarynyň ulanylyşy; Buraw işlerini geçirmekde emeli aňyň orny ýaly ugurlar boýunça maglumat berdiler.
Mundan başga-da, burawlamagyň dowamynda nämälim şertlerde-de netijeli işlemäge ukyply emeli aň ulgamlaryny döretmek we burawlamagyň tizligini ýokarlandyrmaga mümkinçilik berýän täze tehnologiýalar barada durup geçildi.
Seminara gatnaşyjylar özara pikirleri, teklipleri we täze ylmy çemeleşmeleri alyşdylar. Bu bolsa nebitgaz pudagynyň kärhanalarynyň iş netijeliligini ýokarlandyrmakda döwrebap tehnologiýalaryň berýän mümkinçilikleri barada giňişleýin maglumat almaga şert döretdi.
Türkmenistanyň Prezidenti Serdar Berdimuhamedowyň wezipä girişmegi mynasybetli dabara geçirildi
2022-nji ýylyň 19-njy marty aýratyn ähmiýetli taryhy waka hökmünde özygtyýarly Türkmen döwletiniň ýyl ýazgysyna girdi. Paýtagtymyzyň Ruhyýet Köşgünde Türkmenistanyň saýlanan Prezidentiniň wezipä girişmegi mynasybetli geçirilen dabara, şeýle hem bu wakanyň öňýanynda geçirilen saýlawlar türkmen halkynyň mizemez jebisligini, onuň jöwher paýhasyny we ýaş nesle bildirýän ynamyny nobatdaky gezek aýdyň görkezdi.
OGT-2023 Halkara maslahatynyň we sergisiniň täze hyzmatdaşlary we gatnaşyjylary belli boldy
25-27-nji oktýabrda Aşgabatda geçiriljek OGT-2023 Halkara maslahatyna we sergisine taýýarlyk işleri ýokary depginde alnyp barylýar. Geçiriljek çäreler üçin 20 ýurtdan 150-den gowrak wekil bellige alyndy. Bu barada guramaçylar habar berýär.
«Türkmengaz» DK-nyň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi
7-nji sentýabrda «Türkmengaz» döwlet konserniniň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Daşary ýurt döwletleriniň Liderleri Serdar Berdimuhamedowy öz ýurtlaryna sapar bilen gelmäge çagyrýar
Türkiýäniň, Azerbaýjanyň, Eýranyň, Gazagystanyň we Gyrgyzystanyň Liderleri hyzmatdaşlygy giňeltmegiň mümkinçiliklerini maslahatlaşmak üçin Türkmenistanyň täze saýlanan Prezidenti Serdar Berdimuhamedowy öz ýurtlaryna sapar bilen gelmäge çagyrýarlar.