Zähmetkeşleriň zähmetini goramak döwlet syýasatynda ileri tutulýar
09:10 03.03.2026 1572
«Türkmengeologiýa» döwlet korporasiýasy tarapyndan «Türkmengaz» DK-nyň Ylmy-barlag tebigy gaz institutynda «2025-nji ýylda «Türkmengeologiýa» döwlet korporasiýasynyň edara-kärhanalarynda zähmeti goramaklygyň, tehniki howpsuzlygyň düzgünleriniň berjaý edilişi we 2026-njy ýylyň wezipeleri» atly maslahat geçirildi. Oňa korporasiýanyň jogapkär işgärleri, inženerleri, tehniki howpsuzlyk, zähmeti goramak boýunça hünärmenleri gatnaşdylar.
Seminaryň dowamynda «Türkmengeologiýa» döwlet korporasiýasynyň baş inženeriniň zähmeti goramak we tehniki howpsuzlyk boýunça orunbasary Arslan Atalow, kärdeşler arkalaşygynyň ilkinji guramasynyň başlygy Çeper Babaýewa, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň başlygy Geldimyrat Seýtiýew, Ahal welaýatynyň we Aşgabat şäheriniň «Türkmenstandartlary» döwlet gullugynyň uly döwlet inspektory Serdar Meredalyýew, «Türkmengaz» DK-nyň Harbylaşdyrylan «Nebitgazhowpsuzlyk» müdirliginiň baş inženeri Ýagşymyrat Ýollyýew we beýlekiler çykyş etdiler. Çykyşlarda geçen 2025-nji ýylda önümçiliklerde, edara-kärhanalarda, bagçylyk zolaklarynda, Tokaý hojalygynda tehniki howpsuzlyk düzgünleriniň berjaý edilişi, işgärlere, hünärmenlere, şol sanda meýdan şertlerinde işleýän zähmet köpçüligine döredilen amatly şertler, işgärleriň we hünärmenleriň zähmetini goramakda alnyp barlan işler, ýangyn howpsuzlygynyň düzgünleriniň berjaý edilişi, işgärler bilen edaranyň arasynda baglaşylýan köpçülikleýin şertnamalary kämilleşdirmek, ýurdumyzyň döwlet syýasatynda ileri tutulýan adam hakyndaky aladadan gelip çykýan çözgütleri köpçülikleýin şertnama girizmek hem-de ony doly, dogry ýerine ýetirmek barada giňişleýin durlup geçildi. Tehniki howpsuzlyk we zähmeti goramak boýunça 2026-njy ýylda amala aşyrylmaly wezipeler kesgitlenildi. Ondan başga-da, degişli hünärmenleriň alyp barýan işleriniň hasabatlary diňlenildi. Zähmeti goramagyň, tehniki howpsuzlygyň inženerlerine we beýleki işgärlerine bu ugurda ýokary netijeleri gazanmak maksady bilen teklipleriň berilmelidigi tabşyryldy.
Maslahata gatnaşyjylaryň öz çykyşlarynda belleýşi ýaly, Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň tagallalary netijesinde halkymyzyň ýaşaýyş şertlerini ýokarlandyrmakda ägirt uly işler durmuşa geçirilýär. Ýurdumyzda ýylyň-ýylyna täze önümçilik desgalary gurlup ulanylmaga berilýär, öň bar bolanlary döwrebaplaşdyrylýar. Önümçilikler ylmyň soňky gazanan tehnologiýalary, enjamlary bilen üpjün edilýär. Adamyň saglygyny berkitmekde, dikeltmekde, iş şertlerini gowulandyrmakda, dynç alşyny talabalaýyk guramakda amala aşyrylýan maksatnamalaýyn beýik tutumlar raýatlarymyzy täze zähmet üstünliklerine ruhlandyrýar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.