Türkmenistan Merkezi Aziýa ýurtlarynyň we Beýik Britaniýanyň Daşary işler ministrleriniň mejlisine gatnaşdy
11:20 28.02.2026 1525
26-njy fewralda Londonda Merkezi Aziýa ýurtlarynyň we Beýik Britaniýanyň daşary işler ministrleriniň mejlisi geçirildi. Onuň dowamynda syýasy dialogy çuňlaşdyrmagyň, söwda-ykdysady hem-de maýa goýum hyzmatdaşlygyny ösdürmegiň geljekki mümkinçilikleri ara alnyp maslahatlaşyldy. Bu barada Türkmenistanyň DIM-nde habar berdiler.
Türkmenistanyň daşary işler ministri Raşid Meredow öz çykyşynda Merkezi Aziýa – Beýik Britaniýa formatynda ilkinji ministrler duşuşygyny geçirmek başlangyjy üçin britan tarapyna minnetdarlyk bildirip, onuň Merkezi Aziýada sebit hyzmatdaşlygynyň pugtalandyrylýan döwründe aýratyn ähmiýetlidigini belledi.
Merkezi Aziýa ýurtlarynyň ählumumy howplara netijeli jogap berip bilýän durnukly hem-de bäsdeşlige ukyply ykdysadyýeti kemala getirmäge gyzyklanma bildirýändigi nygtaldy. Şunuň bilen baglylykda, Beýik Britaniýa bilen hyzmatdaşlygyň ileri tutulýan ugurlary kesgitlenildi.
Esasy hyzmatdaşlyk ugurlarynyň hatarynda energetika we dekarbonlaşdyrmak, şol sanda nebitgaz pudagyny döwrebaplaşdyrmak, uglewodorodlary çuňňur gaýtadan işlemek tehnologiýalaryny ornaşdyrmak hem-de täzelenýän energetikany ösdürmek, Londonyň dünýäniň öňdebaryjy maliýe merkezleriniň biri hökmünde tejribesini ulanmak arkaly maliýe we söwda tehnologiýalary, hukuk, konsalting we audit hyzmatlaryny öz içine alýan hünärmen derejesindäki hyzmatlar, şeýle hem ulag-logistika ulgamy we sebitiň üstaşyr mümkinçiliklerini berkitmek ýaly ugurlar görkezildi.
Duşuşygyň ahyrynda ministr täze formatyň çäklerinde hem-de ikitaraplaýyn esasda işjeň we netijeli hyzmatdaşlygy ösdürmäge Türkmenistanyň taýýardygyny, hyzmatdaşlygyň anyk hem-de özara bähbitli netijelere gönükdiriljekdigini tassyklady.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.