HNGU-nyň Balkanabat şahamçasynyň talyplary intellektual bäsleşikde ýeňiş gazandylar
10:58 26.02.2026 210
Ýagşygeldi Kakaýew adyndaky Halkara nebit we gaz uniwersitetiniň (HNGU) Balkanabat şahamçasynyň talyplary «Kämil bilim» okuw merkeziniň Balkanabat şahamçasynda geçirilen «Breýn-ring» intellektual bäsleşiginiň ýeňijileri boldular.
Bu çäre Balkan welaýat Baş bilim müdirligi, Magtymguly adyndaky Ýaşlar guramasynyň welaýat geňeşi we «Kämil bilim» okuw merkeziniň Balkanabat şahamçasy tarapyndan bilelikde guraldy. Bäsleşige jemi 25 topar gatnaşdy. Olaryň arasynda «Türkmennebit» döwlet konserniniň Balkanabat nebit orta hünär okuw mekdebiniň, welaýat ýörite sungat mekdebiniň talyplary, şeýle hem şäheriň orta mekdepleriniň 10–12-nji synp okuwçylary bar.
Saýlama tapgyry fewral aýynyň dowamynda test görnüşinde geçirildi. Ondan soňky tapgyrlarda toparlar finala çykmak ugrunda bäsleşdiler. Gatnaşyjylar diňe bir çuňňur bilimlerini däl, eýsem birnäçe sekundyň dowamynda dogry jogap tapmak ukybyny, logiki pikirlenmesini we toparlaýyn işlemek ukyplaryny hem görkezdiler.
Bäsleşigiň netijelerine görä 1-nji orna HNGU-nyň Balkanabat filialynyň talyplary, 2-nji orna Balkanabat şäherindäki 24-nji orta mekdebiň okuwçylary, 3-nji orna Balkanabat şäherindäki 12-nji we 6-njy orta mekdepleriň toparlary mynasyp boldular.
Ýeňijilere guramaçylar we hemaýatkärler tarapyndan Hormat hatlary hem-de ýadygärlik sowgatlary gowşuryldy diýlip, turkmennebit.gov.tm saýtynda habar berilýär.
Geljegiň arassa energetikasyny emele getirmekde Türkmenistanyň mümkinçilikleri Brýusselde hödürlenildi
Sişenbe güni Brýusselde geçirilen «Merkezi Aziýa üçin arassa energiýanyň geljegi» atly maslahatda arassa energetikany emele getirmekde Türkmenistanyň baý tejribesi hödürlenildi. Bu tema boýunça Türkmenistanyň Belgiýadaky ilçisi Sapar Pälwanow çykyş etdi.
«Yslam Ösüş Banky we Doktor Ahmad Mohammad Ali. Institutyň taryhy we onuň Prezidentiniň ýoly» atly kitabyň tanyşdyrylyşy geçirildi
6-nji iýulda Türkmenistanyň daşary işler ministrliginiň Halkara gatnaşyklary institutynda Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa Yslam ösüş bankynyň ilkinji prezidenti Ahmad Mohamed Ali Al-Madani tarapyndan sowgat berlen “Yslam Ösüş Banky we Doktor Ahmad Mohammad Ali. Institutyň taryhy we onuň Prezidentiniň ýoly” atly kitabyň tanyşdyrylyş dabarasy geçirildi. Bu barada Türkmenistanyň DIM-niň saýty habar berýär.
Türkmenistan we Beýik Britaniýa ileri tutulýan ugurlarda söwda-ykdysady hyzmatdaşlygy ösdürmäge taýýar
Türkmenistanyň Daşary işler ministri Raşid Meredowyň Aşgabada iş sapary bilen gelen Beýik Britaniýanyň Daşary işler, arkalaşyk we ösüş ministriniň parlament orunbasary Leo Doherti bilen geçiren gepleşiklerinde ikitaraplaýyn gün tertbiniň ileri tutulýan meseleleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
OPEK-iň baş sekretary nebit çykarylyşyny azaltmak boýunça ýakynda kabul edilen kararyň dogrulygyna ynanýar
OPEK+ ýakynda nebit çykarylyşyny azaltmak hakynda kabul edilen karara bazaryň ýeterlik derejede üns bermändigine alada galmaýar diýip, OPEK-iň baş sekretary Haýsam al-Gaýs Wenada Guramanyň 8-nji Halkara seminarynda belledi diýip, Interfaks habar berýär.
Täze kitabyň tanyşdyrylyş dabarasy geçirildi
Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynda Türkmen döwlet neşirýat gullugy tarapyndan neşir edilen «Arkadag şäheri — geljegiň şäheri» atly kitabyň tanyşdyrylyş dabarasy geçirildi.