Türkmenistanyň wekilleri Abu-Dabide metan zyňyndylaryny azaltmak boýunça ÝUNEP-iň maslahatyna gatnaşdy
11:46 21.02.2026 1249
Türkmenistandan bolan wekiliýetiň düzüminde «Türkmengaz» we «Türkmennebit» döwlet konsernleriniň wekilleri BMG-niň Daşky gurşaw boýunça maksatnamasynyň (ÝUNEP) «Nebitgaz pudagynda metan boýunça hyzmatdaşlyk» (OGMP) 2.0 başlangyjynyň durmuşa geçirilişine bagyşlanyp Birleşen Arap Emirlikleriniň Abu-Dabi şäherinde geçirilen her ýylky maslahatyna gatnaşdylar.
Türkmen wekiliýetiniň düzümine şeýle hem Maliýe we ykdysadyýet ministrliginiň, Daşky gurşawy goramak ministrliginiň wekilleri girdi.
Maslahat dünýäde nebit we gazyň umumy çykarylyşynyň 42 göteriminden gowragyna degişli bolan 150-den gowrak öňdebaryjy kompaniýa-agzalaryň, şeýle hem döwlet we akademiki hyzmatdaşlaryň wekillerini bir ýere jemledi.
Gün tertibiniň esasy meseleleriniň biri metan zyňyndylaryny azaltmak boýunça anyk çäreleri ara alyp maslahatlaşmak hem-de «Altyn standart» boýunça hasabatlylygyň 5-nji derejesine ýetmek boldy.
Maslahatyň çäginde türkmen wekiliýeti Bütindünýä bankynyň we ÝUNEP-iň wekilleri bilen duşuşyklary geçirdi. Gepleşikleriň dowamynda OGMP 2.0 standartynyň orny, şeýle hem metan zyňyndylaryny gözegçilikde saklamak, hasabat bermek we barlamak (MRV) ulgamyny döretmek boýunça teklip edilýän grant taslamasy ara alnyp maslahatlaşyldy.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.