Türkmenistanyň we Azerbaýjanyň wekilleri Hazar deňzinde portlaryň gatnaşyklaryny maslahatlaşdylar
16:09 30.01.2026 1818
Azerbaýjana iş saparynyň dowamynda Türkmenbaşy halkara deňiz portunyň direktory Parahat Jumaýewiň ýolbaşçylygyndaky Türkmenistanyň wekiliýeti “Baku halkara deňiz porty” jogapkärçiligi çäklendirilen jemgyýetiniň direktory Eldar Salahow bilen duşuşdy. Bu barada Türkmenistanyň DIM-nde habar berdiler.
Duşuşyga Türkmenistanyň Azerbaýjan Respublikasyndaky Adatdan daşary we Doly ygtyýarly ilçisi Gurbanmämmet Elýasow hem gatnaşdy.
Duşuşygyň dowamynda Türkmenistanyň we Azerbaýjanyň strategik hyzmatdaşlygyny yzygiderli pugtalandyrýandygy, aýratyn hem, Türkmenbaşy we Baku (Alat) halkara deňiz portlarynyň arasynda logistika hyzmatdaşlygyny ösdürmäge üns berýändigi nygtaldy. Bu hyzmatdaşlyk özara söwda dolanyşygynyň artýan şertlerinde Hazar deňziniň üsti bilen ýük daşamalaryny artdyrmagy, Orta geçelgesini ösdürmäge we iki ýurduň arasyndaky ulag gatnaşyklaryny giňeltmäge gönükdirilendir.
Türkmenbaşy we Baku (Alat) portlarynyň ösdürilmegi olary halkara Gündogar-Günbatar geçelgelerine hyzmat edýän Hazar deňziniň esasy logistika merkezlerine öwürmäge gönükdirilendir. Iki porty birleşdirýän esasy ýol nebitiň, dürli ýükleriň we demir ýol wagonlarynyň daşalmagyny üpjün edýär.
Döwrebaplaşdyrylandan soň, Türkmenbaşy porty iri ulag merkezine öwrüldi, Alatdaky Baku porty bolsa öz infrastrukturasyny yzygiderli giňeldýär, ýük we ýolagçy gatnawlarynda öz ornuny güýçlendirýär we Beýik Ýüpek ýolunyň häzirki zaman ýolunda möhüm orny eýeleýär.
Mundan başga-da, taraplar Hazar deňzi – Gara deňiz halkara üstaşyr-ulag geçelgesiniň ösdürilmegi bilen baglanyşykly meseleleri, şol sanda Türkmenbaşy, Baku, Poti, Batumi we Konstansa portlary arkaly ýük daşamaklygy artdyrmagyň mümkinçiliklerini ara alyp maslahatlaşdylar. Ýewropa Bileleşigi bilen birlikde ähli gyzyklanýan hyzmatdaşlar bilen hyzmatdaşlygy işjeňleşdirmegiň möhümdigi bellenildi.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.