Türkmenistanyň we Owganystanyň wekilleri TOPH taslamasynyň durmuşa geçirilmeginiň häzirki tapgyryny maslahatlaşdylar
11:41 29.01.2026 1119
Türkmenistanyň Owganystandaky ilçisi Hoja Öwezowyň Owganystanyň dag-magdan senagaty we nebit ministri Hedaýatulla Badri bilen geçiren duşuşygynda Türkmenistan–Owganystan–Pakistan–Hindistan (TOPH) gaz geçirijisiniň gurluşygy esasy mowzuklaryň biri boldy.
Duşuşygyň dowamynda ilçi H. Öwezow taslamanyň durmuşa geçirilişiniň häzirki tapgyry we geljekki meýilnamalar barada giňişleýin maglumat berdi. Taraplar gaz geçirijisiniň Owganystanyň Hyrat welaýatyna çenli bolan böleginiň şu ýylyň ahyryna çenli gurlup tamamlanmagyna ynam bildirdiler.
TOPH gaz geçirijisiniň umumy uzynlygy takmynan 1814 kilometrdir. Şolardan 214 km — Türkmenistanyň çäginden, 774 km — Owganystanyň çäginden, 826 km — Pakistanyň çäginden Hindistanyň serhedine çenli geçýär.
Belläp geçsek, 2025-nji ýylyň 20-nji oktýabrynda türkmen halkynyň Milli Lideri Gurbanguly Berdimuhamedowyň gatnaşmagynda Serhetabat–Hyrat gaz geçirijisiniň «Arkadagyň ak ýoly» diýlip atlandyrylýan nobatdaky tapgyrynyň dabaraly açylyşy boldy.
TOPH-niň gurluşygynda iň döwrebap sanly tehnologiýalar, şol sanda SCADA (dispetçerlik gözegçiligi we maglumat toplama) ulgamy ulanylýar. Bu ulgam islendik nokatda gaz syzmasy ýa-da basymyň peselmegi ýüze çykanda, gazyň berilmegini awtomatiki usulda bes edýär.
Türkmenistanyň DIM-niň ýolbaşçysy Duşenbede ikitaraplaýyn we sebit hyzmatdaşlygynyň meselelerini maslahatlaşdy
«Merkezi Aziýa – Koreýa Respublikasy» hyzmatdaşlyk Forumynyň 14-nji mejlisine gatnaşmagynyň çäklerinde Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň Täjigistan Respublikasynyň Prezidenti Emomali Rahmon bilen geçiren duşuşygynda ikitarapalýyn we sebit hyzmatdaşlygynyň meseleleri ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
Türkmenistanyň Prezidenti german kompaniýalarynyň ýolbaşçylary bilen hyzmatdaşlygyň ileri tutulýan ugurlaryny maslahatlaşdy
Astanada geçirilýän Merkezi Aziýa ýurtlarynyň döwlet Baştutanlarynyň we Germaniýa Federatiw Respublikasynyň Federal Kansleriniň ikinji duşuşygyna gatnaşýan Prezident Serdar Berdimuhamedow dostlukly ýurduň işewür toparlarynyň wekilleri bilen duşuşdy diýip, TDH habar berýär.
Türkmenistanyň we BMG-niň wekilleri Deňze çykalgasy bolmadyk ösüp barýan ýurtlar boýunça üçünji maslahatyna taýýarlyk meselelerini maslahatlaşdylar
28-nji maýda Türkmenistanyň daşary işler ministri Raşid Meredow BMG-niň Baş sekretarynyň orunbasary, Az derejede ösen, deňze çykalgasy bolmadyk ösüp barýan ýurtlar hem-de kiçi ada döwletler boýunça Ýokary wekili Rabab Fatima bilen wideoaragatnaşyk görnüşinde duşuşyk geçirdi diýip, türkmen daşary syýasat edarasynyň saýtynda habar berilýär.
Russiýa bilen Türkmenistanyň Owganystan babatda çemeleşmeleri ýakyn — RF-niň ilçisi
Geçen ýekşenbe güni Aşgabatda Türkmenistanyň başlyklyk etmeginde geçirilen Ykdysady Hyzmatdaşlyk Guramasynyň (YHG) döwlet Baştutanlarynyň 15-nji sammitiniň jemleri boýunça penşenbe güni guralan brifingde eden çykyşynda Russiýa Federasiýasynyň Türkmenistandaky ilçisi Aleksandr Blohin Owganystandaky ýagdaýa çemeleşmekde Moskwa bilen Aşgabadyň çemeleşmeleriniň ýakynlygyny belledi.
BAE-niň Türkmenistandaky ilçisi HNGU-da nebitgaz pudagy üçin emeli aň tehnologiýalary boýunça okuw sapagyny geçirdi
27-nji maýda Ýagşygeldi Kakaýew adyndaky Halkara nebit we gaz uniwersitetinde “Türkmenistan bilen Birleşen Arap emirlikleri: nebitgaz ulgamyna emeli aňy ornaşdyrmak boýunça hyzmatdaşlyk” temasy boýunça okuw sapagy geçirildi.