Türkmenistan we Hindistan strategiki ugurlarda özara gatnaşyklary ösdürmäge taýýarlygyny tassykladylar
09:42 28.01.2026 1148
26-njy ýanwarda Aşgabatda Hindistanyň milli baýramy — Respublika güni mynasybetli dabaraly kabul edişlik boldy. Çärä Hindistanyň Türkmenistandaky Adatdan daşary we Doly ygtyýarly ilçisi Bandaru Wilsonbabu we Türkmenistanyň wise-premýeri, daşary işler ministri Raşid Meredow gatnaşdy.
Bu duşuşyk iki halkyň çuňňur taryhy köklerine we ruhy ýakynlygyna esaslanýan ikitaraplaýyn gatnaşyklaryň strategik häsiýetiniň möhüm tassyklanmasy boldy.
Myhmanlaryň öňünde çykyş edip, ilçi Hindistanyň Türkmenistany "giňişleýin goňşuçylyk" syýasatynyň çäginde esasy hyzmatdaş hökmünde görýändigini belledi. Taraplar nebitgaz we himiýa senagaty, howpsuzlyk, saglygy goraýyş we sanly düzümi ösdürmek ýaly strategik ugurlarda hyzmatdaşlygy artdyrmaga taýýardyklaryny bildirdiler.
Sebit durnuklylygyny berkitmäge ýardam edýän BMG we "Hindistan – Merkezi Aziýa" dialogy ýaly halkara meýdançalardaky ýakyn hyzmatdaşlyga aýratyn üns berilýär.
Türkmenistanyň daşary işler ministri Raşid Meredow hyzmatdaşlygyň binýadynyň ýokary döwlet derejesindäki yzygiderli duşuşyklardygyny belledi. Soňky ýyllarda iki ýurduň liderleriniň amala aşyran saparlary syýasy we ykdysady gatnaşyklaryň ösmegine güýçli itergi berdi. Ynsanperwer dialogy hem gatnaşyklaryň möhüm bölegi bolup galýar.
Dabaraly agşamy iki ýurduň milli aýdym-sazlaryny we tanslaryny jemleýän baý medeni maksatnama bezeg berdi diýip, THP habar berýär.
Türkmenistanyň DIM-niň ýolbaşçysy Duşenbede ikitaraplaýyn we sebit hyzmatdaşlygynyň meselelerini maslahatlaşdy
«Merkezi Aziýa – Koreýa Respublikasy» hyzmatdaşlyk Forumynyň 14-nji mejlisine gatnaşmagynyň çäklerinde Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň Täjigistan Respublikasynyň Prezidenti Emomali Rahmon bilen geçiren duşuşygynda ikitarapalýyn we sebit hyzmatdaşlygynyň meseleleri ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
Türkmenistanyň Prezidenti german kompaniýalarynyň ýolbaşçylary bilen hyzmatdaşlygyň ileri tutulýan ugurlaryny maslahatlaşdy
Astanada geçirilýän Merkezi Aziýa ýurtlarynyň döwlet Baştutanlarynyň we Germaniýa Federatiw Respublikasynyň Federal Kansleriniň ikinji duşuşygyna gatnaşýan Prezident Serdar Berdimuhamedow dostlukly ýurduň işewür toparlarynyň wekilleri bilen duşuşdy diýip, TDH habar berýär.
Türkmenistanyň we BMG-niň wekilleri Deňze çykalgasy bolmadyk ösüp barýan ýurtlar boýunça üçünji maslahatyna taýýarlyk meselelerini maslahatlaşdylar
28-nji maýda Türkmenistanyň daşary işler ministri Raşid Meredow BMG-niň Baş sekretarynyň orunbasary, Az derejede ösen, deňze çykalgasy bolmadyk ösüp barýan ýurtlar hem-de kiçi ada döwletler boýunça Ýokary wekili Rabab Fatima bilen wideoaragatnaşyk görnüşinde duşuşyk geçirdi diýip, türkmen daşary syýasat edarasynyň saýtynda habar berilýär.
Russiýa bilen Türkmenistanyň Owganystan babatda çemeleşmeleri ýakyn — RF-niň ilçisi
Geçen ýekşenbe güni Aşgabatda Türkmenistanyň başlyklyk etmeginde geçirilen Ykdysady Hyzmatdaşlyk Guramasynyň (YHG) döwlet Baştutanlarynyň 15-nji sammitiniň jemleri boýunça penşenbe güni guralan brifingde eden çykyşynda Russiýa Federasiýasynyň Türkmenistandaky ilçisi Aleksandr Blohin Owganystandaky ýagdaýa çemeleşmekde Moskwa bilen Aşgabadyň çemeleşmeleriniň ýakynlygyny belledi.
BAE-niň Türkmenistandaky ilçisi HNGU-da nebitgaz pudagy üçin emeli aň tehnologiýalary boýunça okuw sapagyny geçirdi
27-nji maýda Ýagşygeldi Kakaýew adyndaky Halkara nebit we gaz uniwersitetinde “Türkmenistan bilen Birleşen Arap emirlikleri: nebitgaz ulgamyna emeli aňy ornaşdyrmak boýunça hyzmatdaşlyk” temasy boýunça okuw sapagy geçirildi.