Aşgabatda SPEKA-nyň ýokary derejeli hepdeliginiň çäklerinde ykdysady forum geçiriler
15:11 20.01.2026 1010
Birleşen Milletler Guramasynyň Merkezi Aziýa ýurtlarynyň ykdysadyýetleri üçin Ýörite maksatnamasy (SPECA) 2026-njy ýylyň 20-23-nji ýanwary aralygynda Aşgabatda geçiriljek Ýokary derejeli hepdeligiň dowamynda her ýylky ykdysady forumyny we Ýolbaşçy geňeşiň 20-nji sessiýasyny geçirer.
BMG-niň Ýewropa Ykdysady Komissiýasynyň (BMG ÝYK) habar bermegine görä, bu çäreler sebit hyzmatdaşlygy üçin esasy meýdança bolar hem-de söwda, ulag we energetika ulgamlaryndaky hyzmatdaşlygy berkitmäge hyzmat eder.
Forumyň esasy mowzugy - «Durnukly ösüş üçin sebitara arabaglanyşyk». Onuň barşynda energetika, ulag we söwda gatnaşyklaryny ösdürmek, ulag geçelgelerini sanlylaşdyrmak hem-de SPEKA ýurtlarynyň kanunçylygyny sazlaşdyrmak ýaly meselelere gönükdiriler.
Türkmenistanyň başlyklyk etmeginde geçjek forumyň dowamynda SPEKA-nyň möhüm strategik resminamalaryny, şol sanda Hazarüsti geçelgäni sanlylaşdyrmagyň Ýol kartasyny we 2030-njy ýyla çenli ösüş Konsepsiýasyny durmuşa geçirmegiň barşyna serediler.
BMG-niň bu ýörite maksatnamasy Merkezi Aziýa ýurtlarynyň ykdysadyýetlerini dünýä hojalygyna utgaşdyrmaga we sebitara hyzmatdaşlygy berkitmäge gönükdirilendir. 1998-nji ýylda döredilen maksatnama ilkibaşda Gazagystany, Gyrgyzystany, Täjigistany we Özbegistany öz içine alýardy. Soňra bu taslama Owganystan, Azerbaýjan we Türkmenistan hem goşuldy.
Türkmenistanyň we HHR-niň Liderleri Hytaýa täze gaz geçirijiniň gurluşygy barada ylalaşdylar
Prezident Gurbanguly Berdimuhamedowyň Hytaý Halk Respublikasyna iş saparynyň çäklerinde şenbe güni Hytaý Halk Respublikasynyň Başlygy Si Szinpin bilen duşuşdy diýip, Türkmenistanyň Döwlet habarlar agentligi habar berýär.
Türkmenistanyň Prezidenti Ýaponiýanyň Premýer-ministri bilen ýangyç-energetika we himiýa toplumlarynda täze taslamalary maslahatlaşdy
15-nji aprelde Prezident Serdar Berdimuhamedow Premýer-ministr Sigeru Isiba bilen duşuşdy. Duşuşygyň barşynda ýangyç-energetika we himiýa toplumlarynda täze taslamalary durmuşa geçirmegiň mümkinçilikleri maslahatlaşyldy diýip, TDH habar berýär.
Ýanwar aýynyň jemlerine garaldy
Şu gün Türkmenistanyň nebitgaz toplumynyň merkezi binasynda «Halkyň Arkadagly zamanasy» ýylynyň ýanwar aýynda ýerine ýetirilen işleriň jemine bagyşlanan hasabat ýygnagy geçirildi. Onda 3-nji fewralda hormatly Prezidentimiz Gurbanguly Berdimuhamedowyň milli ykdysadyýetimiziň pudaklarynda şu ýylyň ýanwar aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň nobatdaky mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Dünýäde nebite bolan isleg 2028-nji ýyla çenli artar — HEA
Halkara energetika agentligi (HEA) iýun hasabatynda dünýäde nebite bolan islegiň 2028-nji ýylda günde 105,7 mln barrele ýetjekdigini çaklaýar. Bu görkeziji 2022-nji ýyldakydan günde 5,9 mln barrel artykdyr.
Çagalaryň dynç alşy şowhuna beslenýär
Häzirki wagtda ýurdumyzda çagalaryň tomusky dynç alyş möwsümi dowam edýär. Tomsuň ilkinji günlerinde okuw möwsümini tamamlan çagalary ýurdumyzyň ajaýyp Gökdere jülgesindäki köpsanly sagaldyş-dynç alyş merkezleri gujak açyp garşylady. Şolaryň hatarynda Gökderedäki «Şöhle» we «Nebitçi» çagalar dynç alyş we sagaldyş merkezleri hem bar. Olarda dynç alyp, saglygyny berkidýän çagalaryň her gününiň manyly we netijeli geçmegi üçin ähli şertler döredilipdir.