«Nebitgazçykaryş» tresti 2025-nji ýylyň 11 aýynyň meýilnamasyny artygy bilen ýerine ýetirdi
12:41 07.01.2026 2300
«Türkmennebit» döwlet konserniniň «Nebitgazçykaryş» tresti 2025-nji ýylyň 11 aýynda takmynan 3 million 684 müň 540 tonna nebit çykaryp, meýilnama görkezijilerini 9 göterim artygy bilen berjaý etdi. Tebigy gaz çykarmagyň möçberi bolsa 4 milliard 218 million 600 müň kub metrden geçip, bu ugurda meýilnama 166,92 göterim ýerine ýetirildi.
Konserniň Balkan welaýatynda ýerleşýän önümçilik kärhanalary ýokary zähmet görkezijilerine eýe boldular. «Türkmennebit» döwlet konserniniň düzümine «Nebitgazçykaryş» trestinden başga-da, «Nebitgazburawlaýyş» we «Nebitgazdüýpliabatlaýyş» trestleri girýär.
Gazanylan netijelere «Goturdepenebit», «Nebitdagnebit», «Gamyşlyjanebit», «Keýmir», «Gumdagnebit», «Galkynyşnebit» nebitgaz çykaryş müdirlikleri, şeýle hem «Körpeje» gaz çykaryş müdirligi uly goşant goşdular diýip, turkmennebit.gov.tm saýty habar berýär.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.