Türkmenistanda 2026-njy ýylyň ilkinji perzendine Atamyrat diýip at goýdular
21:19 02.01.2026 5394
Aşgabatda 2026-njy ýylyň 1-nji ýanwarynda şatlykly waka boldy — Täze ýylyň ilkinji perzendi dünýä indi. Bäbek paýtagtymyzyň Enäniň we çaganyň saglygyny goraýyş ylmy-kliniki merkezinde doguldy. Bu barada Türkmenistan Halkara habarlar merkezi habar berýär.
Bu şatlykly waka Emir Gaýypowyň we Şeker Begenjowanyň maşgalasynda boldy. Türkmenistanyň ilkinji raýatynyň «Garaşsyz, baky Bitarap Türkmenistan – bedew batly at-myradyň mekany» şygary astynda geçýän ýylda dogulmagy aýratyn bir many berýär. Bagtly ene-ata öz ilkinji perzentlerine Atamyrat diýip at dakdylar.
Lukmanlaryň berýän maglumatyna görä, täze doglan bäbegiň ýagdaýy kanagatlanarly diýlip baha berilýär. Çaganyň agramy 3 kilogram 100 gram, boýy bolsa 48 santimetr. Ene we bäbek ylmy-kliniki merkeziň ýokary hünärli lukmanlarynyň gözegçiliginde saklanýar.
Bu şanly waka mynasybetli, täze doglan bäbegiň maşgalasyna türkmen halkynyň Milli Lideri Gurbanguly Berdimuhamedowyň, Türkmenistanyň Prezidenti Serdar Berdimuhamedowyň, şeýle hem Gurbanguly Berdimuhamedow adyndaky Howandarlyga mätäç çagalara hemaýat bermek boýunça Haýyr-sahawat gaznasynyň adyndan gymmat bahaly sowgatlar gowşuryldy.
Türkmenistanyň Prezidenti Serdar Berdimuhamedowyň wezipä girişmegi mynasybetli dabara geçirildi
2022-nji ýylyň 19-njy marty aýratyn ähmiýetli taryhy waka hökmünde özygtyýarly Türkmen döwletiniň ýyl ýazgysyna girdi. Paýtagtymyzyň Ruhyýet Köşgünde Türkmenistanyň saýlanan Prezidentiniň wezipä girişmegi mynasybetli geçirilen dabara, şeýle hem bu wakanyň öňýanynda geçirilen saýlawlar türkmen halkynyň mizemez jebisligini, onuň jöwher paýhasyny we ýaş nesle bildirýän ynamyny nobatdaky gezek aýdyň görkezdi.
OGT-2023 Halkara maslahatynyň we sergisiniň täze hyzmatdaşlary we gatnaşyjylary belli boldy
25-27-nji oktýabrda Aşgabatda geçiriljek OGT-2023 Halkara maslahatyna we sergisine taýýarlyk işleri ýokary depginde alnyp barylýar. Geçiriljek çäreler üçin 20 ýurtdan 150-den gowrak wekil bellige alyndy. Bu barada guramaçylar habar berýär.
«Türkmengaz» DK-nyň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi
7-nji sentýabrda «Türkmengaz» döwlet konserniniň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Daşary ýurt döwletleriniň Liderleri Serdar Berdimuhamedowy öz ýurtlaryna sapar bilen gelmäge çagyrýar
Türkiýäniň, Azerbaýjanyň, Eýranyň, Gazagystanyň we Gyrgyzystanyň Liderleri hyzmatdaşlygy giňeltmegiň mümkinçiliklerini maslahatlaşmak üçin Türkmenistanyň täze saýlanan Prezidenti Serdar Berdimuhamedowy öz ýurtlaryna sapar bilen gelmäge çagyrýarlar.