Türkmen-hytaý işewürlik forumy we sergisi 2026-njy ýylyň aprelinde Aşgabatda geçiriler
13:12 29.12.2025 2926
Aşgabatda 2026-njy ýylyň 28–30-njy aprelinde geçirilmegi meýilleşdirilýän giň gerimli türkmen-hytaý işewürlik forumyna we sergisine taýýarlyk işleri başlandy. Öňde boljak çäreler iki ýurduň arasynda söwda-ykdysady hyzmatdaşlygy giňeltmek üçin möhüm halkara meýdança bolar.
Çäräniň resmi guramaçylary hökmünde «Talwas Ýoly» paýdarlar jemgyýeti we onuň «Oguz Forum & Expo» bölümi, şeýle-de Türkmenistanyň Logistika assosiasiýasy çykyş edýär. Forum logistika, ulag, eksport-import ugurlarynda hyzmatdaşlygy ösdürmäge, şeýle-de Türkmenistanyň we Hytaýyň ýöriteleşdirilen kompaniýalarynyň arasynda göni işewürlik gatnaşyklaryny ýola goýmaga gönükdirilendir.
Bu başlangyç türkmen logistika kompaniýalaryny goldamaga, olaryň halkara bazarlardaky gatnaşygyny giňeltmäge we Türkmenistanyň sebitleýin möhüm ulag-logistika merkezi hökmündäki ornuny pugtalandyrmaga niýetlenendir.
Öňde boljak türkmen-hytaý işewürlik forumy we sergisi Türkmenistanyň halkara ykdysady hyzmatdaşlygyny çuňlaşdyrmak we daşary söwda gatnaşyklaryny diwersifikasiýalaşdyrmak ugrunda alnyp barylýan syýasatyň logiki dowamyna öwrüler.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.