Türkmenistanyň gazçylary täze ulag serişdelerini aldylar
13:35 27.12.2025 2967
Türkmenistanyň gündogar sebitiniň gaz senagaty milli ykdysadyýetiň binýadyny berkitmek bilen, yzygiderli ösmegini dowam etdirýär. Bu ugurdaky amaly ädimleriň biri hökmünde, pudak hünärmenleriniň iş şertleriniň amatlylygyny we howpsuzlygyny ýokarlandyrmaga gönükdirilen «Lebapgazçykaryş» müdiriýetiniň ulag infrastrukturasynyň täzelenmegini görkezmek bolar.
Ulag kärhanasynyň ygtyýaryna «Dong Feng EQ 6820 ZT» kysymly döwrebap ýolagçy awtobuslarynyň 11-si gelip gowuşdy. Täze tehnikalar awtoparkyň mümkinçiliklerini ep-esli giňeltdi, häzirki wagtda bu ýerdäki ýolagçy ulaglarynyň sany 27-ä ýetdi. Bu bolsa işgärleri önümçilik we gurluşyk desgalaryna durnukly hem-de guramaçylykly gatnatmaga şert döretdi.
Hytaýda öndürilen bu awtobuslar 22 ýolagça niýetlenen bolup, olar çöl sebitiniň çylşyrymly howa we ýol şertlerine uýgunlaşdyrylandyr. Şonuň netijesinde, Garagumuň çet sebitlerinde ýerleşýän gaz ýataklaryna hünärmenleri eltmek has çalt we ygtybarly ýola goýuldy.
Täze ulaglaryň işe girizilmegi bilen gatnaw ugurlarynyň ulgamy hem täzeden garaldy. Häzirki wagtda ulaglar bäş ugur boýunça işläp, esasy gaz çykaryş desgalary bilen yzygiderli gatnawy üpjün edýärler. Awtobuslaryň bir bölegi Kerpiçli we Kükürtli ýataklaryna hyzmat edýän bolsa, beýlekileri Bagaja we Malaý desgalaryna berkidildi. Galan ulaglar bolsa Naýyp, Gazlydepe, Böwrüdeşik we Balguy ýaly önümçilik merkezlerinde zähmet çekýän işgärleri gatnatmak üçin ulanylýar.
Awtoparkyň täzelenmegi diňe bir önümçilik işiniň guralyşyna däl, eýsem işgärleriň durmuş şertlerine hem oňyn täsirini ýetirdi. Ýolda sarp edilýän wagt gysgaldy, oňaýlylyk we howpsuzlyk derejesi ýokarlandy, bu bolsa öz gezeginde zähmet düzgün-nyzamynyň we iş netijeliliginiň artmagyna ýardam edýär.
Önümçilik ulgamynda zähmet çekýän hünärmenler üçin mynasyp şertleri döretmek baradaky yzygiderli alada döwlet syýasatynyň ileri tutulýan ugurlarynyň biri bolup galýar. Täze awtobuslar — özleriniň gündelik zähmeti bilen «mawy ýangyjyň» çykarylmagyny üpjün edýän we ýurduň ykdysady kuwwatynyň berkemegine uly goşant goşýan adamlara bolan üns-aladanyň aýdyň mysalydyr.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.