Abu-Dabi Ösüş gaznasy Türkmenistanda gazhimiýa toplumynyň gurluşygynyň taslamasyny maliýeleşdirmäge gatnaşar
10:02 05.02.2021 5313
Birleşen Arap Emirlikleriniň Abu-Dabi Ösüş gaznasy (ADÖG) we Türkmenistanyň Hökümeti iki ýurduň möhüm pudaklaryna maýa goýumlary üçin üç sany özara düşünişmek ähtnamalaryna gol çekdiler, diýip ORIENT agentligi habar berýär.
Resminamalaryňda birinde Türkmenistanda poliwinil asetat öndürmek üçin (175 million ABŞ dollaryna) himiýa senagaty toplumyny, şeýle hem NPK önümçiligi ( 18 million ABŞ dollary) boýunça toplumy döretmek taslamasynyň maýa goýum mümkinçiliginiň öwrenilmegi göz öňünde tutulýar.
Mundan başga-da, Türkmenistanyň Hökümeti bilen ADÖG-niň arasynda 100 mln ABŞ dollary bolan maýa goýum kompaniýasyny döretmek hakynda ähtnama gol çekildi. Başlangyç tapgyrda taraplar 8 mln dollar maýa goýmagy bellediler.
Iki ýurduň Hökümetleriniň derejesinde Türkmenistandaky taslamalary maliýeleşdirmek hakynda hem bir Ähtnama gol çekildi. Munda geçirijilik ukyby sagatda 100 ýolagçy we bahasy 75 mln dollar boljak Jebeldäki howa menziliniň toplumyny we dikeldilýän energetika ulgamynda 25 mln dollarlyk taslamany durmuşa geçirmek göz öňünde tutulýar.
ADÖG-niň metbugat beýanatynda habar berlişi ýaly, Abu Dabide gaznanyň Baş direktory Mohamed Saif Al Suwaýdi we Türkmenistanyň Döwlet daşary ykdysady iş bankynyň başlygy Rahimberdi Jepbarow Ähtnamalara gol çekdiler.gol çekilen resminamalarda görkezilen taslamalaryň jemi bahasy $393 mln.
Türkmen wekiliýetiniň saparynyň çäklerinde BAE-niň Daşary işler we halkara hyzmatdaşlyk ministri Şeýh Abdulla bin Zaýed Al Nahaýýan Türkmenistanyň Daşary işler ministriniň orunbasary Berdiniýaz Mätiýewi kabul etdi. Gepleşikleriň dowamynda özara gyzyklanma bildirilýän ugurlaryň giň toplumy boýunça Türkmenistanyň we BAE-niň arasyndaky hyzmatdaşlygy pugtalandyrmagyň meseleleri ara alnyp maslahatlaşyldy.
Şeýh Abdulla bin Zaýed Al Nahaýýan iki dostlukly döwletiň Baştutanlarynyň tagallalary netijesinde BAE bilen Türkmenistanyň özara gatnaşyklarynyň barha ösýändigini nygtap geçdi.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Prezident Serdar Berdimuhamedow ŞHG sammitine gatnaşmak üçin Özbegistana bardy
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.