Balkan welaýatynyň nebitçileri hünär baýramçylygyny bellediler
12:33 17.12.2025 1690
«Türkmennebit» döwlet konserniniň Balkanabat şäherindäki Nebitçileriň medeniýet köşgünde Nebitgaz senagaty we geologiýa işgärleriniň gününiň dabaralary geçirildi. Bu barada “Türkmenistan: Altyn asyr” elektron neşiri habar berýär.
Dabara hünärmenlerdir inžener-tehniki işgärler, şeýle-de önümçilik düzümleriniň ýolbaşçylary, ýaşuly nesliň we jemgyýetçilik guramalarynyň wekilleri gatnaşdylar.
Türkmenistanyň Prezidentiniň Nebitgaz senagaty we geologiýa işgärlerine Gutlagy ýygnananlarda şatlyk duýgularyny döretdi.
Maslahatda edilen çykyşlarda hem türkmen halkynyň Milli Lideri Gahryman Arkadagymyzyň tagallalary netijesinde hem-de hormatly Prezidentimiz Arkadagly Gahryman Serdarymyzyň parasatly baştutanlygynda durmuşa geçirilýän il-ýurt bähbitli, umumadamzat ähmiýetli ägirt uly işler hakynda aýratyn durlup geçildi.
Şeýle-de özleri baradaky, halkymyz hakyndaky irginsiz aladalardan göwünleri galkynan dabara gatnaşyjylar ýurdumyzyň ýangyç-energetika toplumyny düýpli galkynyşa eýe edip, ony dünýä derejesine çykarmagy başaran Gahryman Arkadagymyza we Arkadagly Gahryman Serdarymyza egsilmez alkyş, hoşallyk sözlerini beýan etdiler.
Baýramçylyk çäresinde ulgamyň öňdebaryjy işgärlerine Türkmenistanyň Prezidentiniň adyndan gymmat bahaly sowgatlar dabaraly ýagdaýda gowşuryldy.
Täsirli, şowhunly geçen dabaranyň dowamynda medeniýet we sungat ussatlarynyň ýerine ýetiren aýdym-sazlary dabara gatnaşanlara ruhy lezzet paýlady. Olaryň çykyşlarynda nebit-gazly, toýly ülkämiziň, merdana halkymyzyň, dana döwlet Baştutanymyzyň, Berkarar döwletiň täze eýýamynyň Galkynyşy döwrüniň, Halkara parahatçylyk we ynanyşmak ýylynyň, dost-doganlygyň waspy aýdyň beýanyny tapdy. Tans, halk döredijilik toparlarynyň baý mazmunly, joşgunly çykyşlary-da taryhy senäniň hormatyny, şanly derejesini has-da arşa göterdi.
Türkmenistanyň DIM-niň ýolbaşçysy Duşenbede ikitaraplaýyn we sebit hyzmatdaşlygynyň meselelerini maslahatlaşdy
«Merkezi Aziýa – Koreýa Respublikasy» hyzmatdaşlyk Forumynyň 14-nji mejlisine gatnaşmagynyň çäklerinde Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň Täjigistan Respublikasynyň Prezidenti Emomali Rahmon bilen geçiren duşuşygynda ikitarapalýyn we sebit hyzmatdaşlygynyň meseleleri ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
Türkmenistanyň Prezidenti german kompaniýalarynyň ýolbaşçylary bilen hyzmatdaşlygyň ileri tutulýan ugurlaryny maslahatlaşdy
Astanada geçirilýän Merkezi Aziýa ýurtlarynyň döwlet Baştutanlarynyň we Germaniýa Federatiw Respublikasynyň Federal Kansleriniň ikinji duşuşygyna gatnaşýan Prezident Serdar Berdimuhamedow dostlukly ýurduň işewür toparlarynyň wekilleri bilen duşuşdy diýip, TDH habar berýär.
Türkmenistanyň we BMG-niň wekilleri Deňze çykalgasy bolmadyk ösüp barýan ýurtlar boýunça üçünji maslahatyna taýýarlyk meselelerini maslahatlaşdylar
28-nji maýda Türkmenistanyň daşary işler ministri Raşid Meredow BMG-niň Baş sekretarynyň orunbasary, Az derejede ösen, deňze çykalgasy bolmadyk ösüp barýan ýurtlar hem-de kiçi ada döwletler boýunça Ýokary wekili Rabab Fatima bilen wideoaragatnaşyk görnüşinde duşuşyk geçirdi diýip, türkmen daşary syýasat edarasynyň saýtynda habar berilýär.
Russiýa bilen Türkmenistanyň Owganystan babatda çemeleşmeleri ýakyn — RF-niň ilçisi
Geçen ýekşenbe güni Aşgabatda Türkmenistanyň başlyklyk etmeginde geçirilen Ykdysady Hyzmatdaşlyk Guramasynyň (YHG) döwlet Baştutanlarynyň 15-nji sammitiniň jemleri boýunça penşenbe güni guralan brifingde eden çykyşynda Russiýa Federasiýasynyň Türkmenistandaky ilçisi Aleksandr Blohin Owganystandaky ýagdaýa çemeleşmekde Moskwa bilen Aşgabadyň çemeleşmeleriniň ýakynlygyny belledi.
BAE-niň Türkmenistandaky ilçisi HNGU-da nebitgaz pudagy üçin emeli aň tehnologiýalary boýunça okuw sapagyny geçirdi
27-nji maýda Ýagşygeldi Kakaýew adyndaky Halkara nebit we gaz uniwersitetinde “Türkmenistan bilen Birleşen Arap emirlikleri: nebitgaz ulgamyna emeli aňy ornaşdyrmak boýunça hyzmatdaşlyk” temasy boýunça okuw sapagy geçirildi.