Täze beket işe girizildi
09:05 16.12.2025 2004
Ýurdumyzyň hemişelik Bitaraplygynyň şanly 30 ýyllygy, Nebitgaz senagaty we geologiýa işgärleriniň güni mynasybetli Ahal welaýatynyň Ak bugdaý etrabynyň çägindäki Halkalaýyn ýoluň ugrunda «Türkmennebit» döwlet konserniň «Türkmennebitönümleri» baş müdirliginiň Aşgabatdaky awtomobillere ýangyç guýuş beketler müdirliginiň garamagyndaky täze 250 belgili bekediň açylyş dabarasy geçirildi.
Döwrebap bekediň gurluşyk işleri «Türkmennebitönümleri» baş müdirliginiň garamagyndaky Hojalyk hasaplaşygyndaky abatlaýyş-gurluşyk müdirligi tarapyndan gysga wagtda, ýokary hil derejesinde ýerine ýetirildi. Bu beket bir gije-gündiziň dowamynda 3000 sany awtoulagy awtomobil benzininiň A-95, A-92 we A-80 görnüşleri hem-de dizel ýangyjy bilen bökdençsiz üpjün etmäge ukyplydyr. Täze desgada işgärleriň zähmet çekmegi we dynç almagy üçin hem ähli zerur şertler döredilipdir.
250 belgili awtomobillere ýangyç guýuş bekedinde döwrebap sanly wideogözegçilik enjamlary hem-de merkezi elektron hasabatlaryň ulgamy hem işe goýberildi. Şunda bu beketde hasabatlary jemlemek işiniň awtomatlaşdyrylandygyny bellemelidir. Bu ulgamyň işe goýberilmegi bilen köp wagtyň hem-de maddy serişdeleriň sarp edilmegi ýaly meseleler kämilleşdirilen täze usullar arkaly doly çözüldi.
Nebitgaz senagaty we geologiýa işgärleriniň güni mynasybetli dabaraly açylyp ulanylmaga berlen täze döwrebap beket sürüjiler üçin baýramçylyk sowgady boldy.
Türkmenistanyň DIM-niň ýolbaşçysy Duşenbede ikitaraplaýyn we sebit hyzmatdaşlygynyň meselelerini maslahatlaşdy
«Merkezi Aziýa – Koreýa Respublikasy» hyzmatdaşlyk Forumynyň 14-nji mejlisine gatnaşmagynyň çäklerinde Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň Täjigistan Respublikasynyň Prezidenti Emomali Rahmon bilen geçiren duşuşygynda ikitarapalýyn we sebit hyzmatdaşlygynyň meseleleri ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
Türkmenistanyň Prezidenti german kompaniýalarynyň ýolbaşçylary bilen hyzmatdaşlygyň ileri tutulýan ugurlaryny maslahatlaşdy
Astanada geçirilýän Merkezi Aziýa ýurtlarynyň döwlet Baştutanlarynyň we Germaniýa Federatiw Respublikasynyň Federal Kansleriniň ikinji duşuşygyna gatnaşýan Prezident Serdar Berdimuhamedow dostlukly ýurduň işewür toparlarynyň wekilleri bilen duşuşdy diýip, TDH habar berýär.
Türkmenistanyň we BMG-niň wekilleri Deňze çykalgasy bolmadyk ösüp barýan ýurtlar boýunça üçünji maslahatyna taýýarlyk meselelerini maslahatlaşdylar
28-nji maýda Türkmenistanyň daşary işler ministri Raşid Meredow BMG-niň Baş sekretarynyň orunbasary, Az derejede ösen, deňze çykalgasy bolmadyk ösüp barýan ýurtlar hem-de kiçi ada döwletler boýunça Ýokary wekili Rabab Fatima bilen wideoaragatnaşyk görnüşinde duşuşyk geçirdi diýip, türkmen daşary syýasat edarasynyň saýtynda habar berilýär.
Russiýa bilen Türkmenistanyň Owganystan babatda çemeleşmeleri ýakyn — RF-niň ilçisi
Geçen ýekşenbe güni Aşgabatda Türkmenistanyň başlyklyk etmeginde geçirilen Ykdysady Hyzmatdaşlyk Guramasynyň (YHG) döwlet Baştutanlarynyň 15-nji sammitiniň jemleri boýunça penşenbe güni guralan brifingde eden çykyşynda Russiýa Federasiýasynyň Türkmenistandaky ilçisi Aleksandr Blohin Owganystandaky ýagdaýa çemeleşmekde Moskwa bilen Aşgabadyň çemeleşmeleriniň ýakynlygyny belledi.
BAE-niň Türkmenistandaky ilçisi HNGU-da nebitgaz pudagy üçin emeli aň tehnologiýalary boýunça okuw sapagyny geçirdi
27-nji maýda Ýagşygeldi Kakaýew adyndaky Halkara nebit we gaz uniwersitetinde “Türkmenistan bilen Birleşen Arap emirlikleri: nebitgaz ulgamyna emeli aňy ornaşdyrmak boýunça hyzmatdaşlyk” temasy boýunça okuw sapagy geçirildi.