Aşgabatda Abu-Dabiniň Milli nebit kompaniýasynyň (ADNOC) edara binasy açyldy
12:44 26.11.2025 2133
24-nji noýabrda Aşgabatda Abu-Dabiniň milli nebit kompaniýasynyň (ADNOC) edarasynyň dabaraly açylyşy boldy. Bu barada “Türkmenistan: Altyn asyr” elektron neşiri habar berýär.
«ADNOC» Birleşen Arap Emirlikleriniň iň iri halkara nebit kompaniýasydyr. Türkmenistan bütindünýä energiýa elýeterliligini üpjün etmek we durnukly ösüşi ilerletmek boýunça wezipäni amala aşyrýan jogapkär ählumumy ýolbaşçy hökmünde «ADNOC» bilen energetika hyzmatdaşlygyny yzygiderli pugtalandyrýar.
Kompaniýanyň edarasy «Arkaç» işewürlik merkezinde ýerleşdi. Dabaraly çärä «Türkmennebit» döwlet konserniniň ýolbaşçysy G.Agajanow, Birleşen Arap Emirlikleriniň Türkmenistandaky ilçisi Ahmed Alhameli, birnäçe diplomatik wekilhanalaryň ýolbaşçylary, işewürlik düzümleriniň we köpçülikleýin habar beriş serişdeleriniň wekilleri gatnaşdylar.
Nebitgaz ulgamyndaky halkara hyzmatdaşlygyň çäklerinde biziň ýurdumyz ynam we özara bähbitlilik ýörelgelerine esaslanýan ýakyn işewür gatnaşyklary ýola goýmaga aýratyn ähmiýet berýär. Şunuň bilen baglylykda, Türkmenistan energetika pudagyny ösdürmek we eksport ugurlaryny diwersifikasiýalaşdyrmak maksady bilen öňdebaryjy tehnologiýalary, innowasion çemeleşmeleri we dünýäniň iň gowy tejribesini ornaşdyrmagy wajyp hasaplaýar.
2025-nji ýyl «ADNOC» kompaniýasy Türkmenistandaky işini pugtalandyrdy: kompaniýa «Petronas» kompaniýasy, «Türkmengaz» we «Türkmennebit» döwlet konsernleri bilen bilelikde Hazar deňzindäki «Blok 1»-ni özleşdirmek boýunça strategiki Ylalaşygy baglaşdy.
BAE-niň Türkmenistandaky ilçisi Ahmed Alhameliniň açylyş dabarasynda belleýşi ýaly, Aşgabatdaky edarasy diňe bir giňelýän hyzmatdaşlygyň däl, eýsem, durnukly geljege we hyzmatdaşlyga bolan umumy garaýşyň hem nyşanydyr.
Şunuň bilen baglylykda, diplomat BAE bilen köptaraply hyzmatdaşlyga berýän hemişelik goldawy üçin Prezident Serdar Berdimuhamedowa, şeýle hem türkmen halkynyň Milli Liderine we Türkmenistanyň Hökümetine çuňňur hoşallyk bildirdi hem-de parahatçylyk, ösüş we mundan beýläkki rowaçlyk arzuw etdi.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.