NOKIA Türkmenistanyň energetika ulgamy üçin tehnologiki çözgütlerini hödürledi
10:17 15.11.2025 1661
Aşgabatda «Türkmentel – 2025» XVIII Halkara sergisiniň we ylmy maslahatynyň, şeýle hem «Halkara ulag-üstaşyr geçelgeleri: özara arabaglanyşyk we ösüş — 2025» atly halkara maslahatyň we serginiň çäklerinde NOKIA kompaniýasynyň Hazar sebiti we Merkezi Aziýa ýurtlary boýunça bölüminiň ýolbaşçysy Ýewgeniý Balyçew türkmen hyzmatdaşlary, şol sanda energetika ulgamyndaky hyzmatdaşlygyň mümkinçilikleri barada gürrüň berdi diýip, «Türkmenistan: Altyn asyr» neşiri habar berýär.
Balyçewiň sözlerine görä, häzirki wagtda Türkmenistanda 5G (bäşinji nesil) tehnologiýasynyň has giň gerimli örtügini döretmek we degişli hyzmatlary bermek boýunça taýýarlyk işleri alnyp barylýar. Bilrmen «bäşinji nesil» standartlarynyň ulanylmagynyň ýurdumyzyň ykdysady pudaklarynyň, şol sanda ýangyç-energetika toplumynyň ösüşine oňyn täsir ýetirmegini belledi.
«Energetika ulgamynyň düzümleriniň işjeň we durnukly işlemegi zerurdyr. Şonuň üçin bu ugurda üznüksiz aragatnaşygyň üpjün edilmegi örän möhüm bolup durýar. Sebäbi öndüriji kärhanalaryň aglabasy uzak ýerlerde ýerleşýär. Biziň kompaniýamyzyň mümkinçilikleri halkara talaplaryna laýyklykda desgalarda wideo gözegçiligi ýola goýmakdan, şeýle hem dürli logistika we nawigasiýa hyzmatlary üçin tehniki goldaw bermegimize ýeterlikdir» diýip, NOKIA-nyň sebitleýin bölüminiň ýolbaşçysy aýtdy.
Onuň aýtmagyna görä, Türkmenistanyň sanly bazary täzelenmäge doly taýýar.
«Häzirki döwür “Altyn asyr” bilen hyzmatdaşlygy has-da çuňlaşdyrmak, döwlet edaralaryna, uglerod çig malyny çykaryjy kärhanalara we logistika merkezlerine hyzmatlarymyzyň berilmegini giňeltmek üçin iň amatly döwürdir. Biz özara peýdaly hyzmatdaşlyga doly taýýar» diýip, Balyçew sözününi jemledi.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.