Mary welaýatynyň gaz üpjünçilik ulgamynyň howpsuzlygy — gazçylaryň esasy wezipesi
15:14 14.01.2021 9212
«Baýramalyşähergaz» hojalyk kärhanasynyň gazçylary «Türkmengazüpjünçilik» birleşiginiň «Marygazüpjünçilik» müdirliginiň önümçilik düzümleri bilen bilelikde 2021-nji ýyla ynamly gadam basdylar.
Gazçylar Mary welaýatynyň çägindäki gaz torlaryndan peýdalanmak, ýaşaýyş jaýlarynyň, kommunal we senagat desgalarynyň gaz enjamlaryny abatlamak we hyzmat etmek boýunça hyzmatlaryň giň toplumyny ýerine ýetirýärler.
Kärhananyň baş maksady — şäheriň gaz üpjünçilik ulgamlarynyň ählisiniň howpsuzlygyny, şeýle hem hödürlenilýän hyzmatlaryň ýokary hilli bolmagyny üpjün etmek bolup durýar. Häzirki wagtda hyzmat edilýän gaz geçirijileriň uzynlygy 230 kilometrden gowrakdyr, şol sanda 5 sany gazpaýlaýjy enjamlar, 109 sany gaz sazlaýjy nokatlar bar.
Geçen ýylyň ahyrynda ýaşaýyş jaýlaryň birine uzynlygy 200 metr bolan gaz geçirijisi çekildi, şeýle hem täze gaz sazlaýjy enjam ulanyşa girizildi. Daşarky gaz geçirijileriň howpsuzlygyny guramak, tehniki ideg işlerini ýokary hünär taýýarlykly ussalar, tehnikler we slesarlar ýerine ýetirýärler. Dispetçerlik gullugy gije-gündizleýin tertipde iş alyp barýar.
Kärhananyň zähmetkeş topary ýetilen sepgitde saklanman, depginli ösmek bilen, geljegi uly meýilnamalary we taslamalary durmuşa geçirýär.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.