Türkmenistanda nebitiň sarp edilişi durnukly ösýär — Eni
16:31 11.12.2020 5786
Türkmenistanyň içerki bazarlarynda nebitiň sarp edilişiniň depgini durnukly ýagdaýda ösýär. Bu barada Eni italýan nebitgaz kompaniýasy tarapyndan taýýarlanylan World Oil Review 2020 hasabatynda aýdylýar.
Syna laýyklykda, 2015-nji ýylda Türkmenistanda nebitiň sarp edilişi günde 151 müň barrele, 2016-njy ýylda – 149 müň, 2017-nji ýylda – 150 müň, 2018-nji ýylda – 157 müň barrele deň boldy. 2019-njy ýylda bu görkeziji günde 165 müň barrele çenli ýokarlandy.
Eni kompaniýasynyň şeýle hem bellemegine görä, Türkmenistan nebitgaz toplumyny döwrebaplaşdyrmaga we diwersifikasiýalaşdyrmaga, uglewodorod çig malynyň çuňlaşdyrylyp gaýtadan işlenilmegini üpjün edýän öňdebaryjy tehnologiýalary giňden ornaşdyrmaga, kärhanalary döwrebap hem häzirki zaman tehnikalar bilen enjamlaşdyrmaga uly maýa goýumlaryny gönükdirýär.
Bularyň ählisi ýokary hilli, gowulandyrylan ekologik häsiýetnamaly hem-de dünýä standartlaryna laýyk gelýän nebit önümleriniň we gazhimiýa önümleriniň önümçiligini ýola goýmaga we daşky gurşawa zyýanly zyňyndylaryň derejesini peseltmäge mümkinçilik berýär.
Hasabatda şeýle hem bellenilişi ýaly, 2010-2019-njy ýyllarda Türkmenistanyň nebit gorlary 600 million barrel derejede durnukly ýagdaýda saklanyp gelýär.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Prezident Serdar Berdimuhamedow ŞHG sammitine gatnaşmak üçin Özbegistana bardy
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.