Daewoo E&C Türkmenistan bilen strategiki gatnaşyklaryny berkidýär
15:27 02.07.2025 5453
«Daewoo Engineering & Construction Co., Ltd» koreý kompaniýasynyň müdiriýetiniň başlygy Jong Won-ju täze işewürlik mümkinçiliklerini maslahatlaşmak hem-de kompaniýanyň Merkezi Aziýada ornuny berkitmek üçin 26-30-njy iýun aralygynda Türkmenistana sapar bilen geldi diýlip, kompaniýanyň 1-nji iýulda çap edilen beýanynda aýdylýar.
Saparyň çäklerinde Jong Won-ju Aşgabatda Türkmenistanyň Halk Maslahatynyň Başlygy Gurbanguly Berdimuhamedow hem-de Türkmenistanyň Prezidenti Serdar Berdimuhamedow bilen duşuşdy. Ol Daewoo E&C-nyň Türkmenabatdaky mineral dökün zawodynyň gurluşygyna gatnaşmagyna döredilen mümkinçilik üçin minnetdarlyk bildirdi we bu taslamanyň üstünlikli amala aşyrylmagyna kompaniýanyň ygrarlydygyny nygtady.
Daewoo E&C-nyň ýolbaşçysy şeýle hem gaz känlerini işläp taýýarlamak, nebithimiýa zawodlarynyň gurluşygy, demir ýol, metropoliten we beýik binalaryň gurluşygy boýunça hyzmatdaşlyk mümkinçiliklerini ara alyp maslahatlaşdy.
Jong Won-ju gurluşyk, energetika we senagat boýunça wise-premýer Baýmyrat Annamämmedow bilen hem duşuşyp, Daewoo E&C-nyň nebithimiýa zawodlarynyň täze taslamalaryna gatnaşmak teklibi üçin minnetdarlyk bildirdi. Ol kompaniýanyň Türkmenistanyň ykdysady ösüşine goldaw berýän birnäçe infrastruktura başlangyçlaryna goşant goşmaga gyzyklanýandygyny aýtdy.
Şeýle-de, Daewoo E&C-nyň ýolbaşçysy nebitgaz meseleleri boýunça wise-premýer Batyr Amanow hem-de «Türkmengaz» döwlet konserniniň başlygy Maksat Babaýew bilen duşuşyk geçirip, kompaniýanyň nebitgaz pudagyndaky täze taslamalara gatnaşmagynyň mümkinçiliklerini ara alyp maslahatlaşdy.
Saparyň dowamynda maliýe we ykdysadyýet boýunça wise-premýer Hojamyrat Geldimyradow hem-de Koreýa Respublikasynyň Türkmenistandaky ilçisi Ji Gyu Tek bilen duşuşyklar geçirildi. Bu duşuşyklar koreý işewürliginiň türkmen bazaryna çykmagyny diwersifikasiýa ýoly bilen giňeltmek meselelerine bagyşlandy.
Daewoo E&C-nyň wekili Türkmenistany kompaniýanyň strategik bazarlarynyň biri hökmünde häsiýetlendirdi we iş portfelini giňeltmek hem-de ýerli bazara ornamak işlerini çaltlandyrmak niýetini beýan etdi. Kompaniýa sebitdäki ornuny berkidýär we ýolbaşçylyk bilen yzygiderli gatnaşyklary ösdürmegi maksat edinýär.
Sekiz aýda Türkmenistanda jemi içerki önümiň ösüş depgini 6,2% derejede saklanýar
2022-nji ýylyň 8 aýynda Türkmenistanda jemi içerki önümiň ösüş derejesi 6,2% derejede saklanýar. Bu barada Prezident Serdar Berdimuhamedow anna güni sanly ulgam arkaly geçirilen Ministrler Kabinetiniň mejlisinde aýtdy.
Türkmenistanyň wekiliýeti UNECE-niň 71-nji mejlisiniň çäklerinde söwda, ulag we energetika ulgamynda hyzmatdaşlygy maslahatlaşdy
8-nji aprelde BMG-niň Ýewropa ykdysady komissiýasynyň (UNECE) 71-nji mejlisiniň çäginde Türkmenistanyň Ministrler Kabinetiniň Başlygynyň Orunbasary Hojamyrat Geldimyradowyň ýolbaşçylygyndaky Türkmenistanyň wekiliýeti UNECE-iň Ýerine ýetiriji sekretary Tatýana Molçan bilen duşuşdy. Bu barada Türkmenistanyň DIM-niň web-saýtynda habar berilýär.
Hökümet mejlisinde nebitgaz toplumynyň 2022-nji ýylyň sekiz aýynda işleriniň netijeleri jemlenildi
Geçen anna güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisiniň geçirdi, onda şu ýylyň sekiz aýynda ýerine ýetirilen işleriň jemleri jemlenildi, ýurdumyzy durmuş-ykdysady taýdan ösdürmegiň möhüm wezipeleri ara alnyp maslahatlaşyldy.
Sekiz aýyň jemlerine garaldy
Şu gün Türkmenistanyň nebitgaz toplumynyň merkezi binasynda «Halkyň Arkadagly zamanasy» ýylynyň geçen sekiz aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 9-njy sentýabrda hormatly Prezidentimiz Serdar Berdimuhamedowyň ýurdumyzy durmuş-ykdysady taýdan ösdürmekde şu ýylyň ýanwar-awgust aýlarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy.
Türkmenistanyň DIM-niň ýolbaşçysy we Saud ösüş gaznasynyň ýolbaşçysy ýangyç-energetika toplumynda maýa goýum taslamalaryny maslahatlaşdy
Wise-premýer, Türkmenistanyň Daşary işler ministri Raşid Meredow Saud Arabystany Patyşalygyna iş saparynyň çäklerinde Saud Arabystany Patyşalygynyň Saud Ösüş gaznasynyň baş ýerine ýetiriji direktory (CEO) Sultan bin Abdulrahman Al-Marshad bilen duşuşygynda energetika, gaz himiýasy senagaty, oba we suw hojalygy hem-de saglyk saklaýyş ulgamyndaky ösüş boýunça maýa goýum taslamalaryna degişli meseleleri maslahatlaşdylar.