Treýderler Ýewropada gazyň ýokary bahalarynyň geljek ýyllarda saklanyp galmagyna garaşýarlar
21:38 25.07.2022 5320
Ýewropada tebigy gazyň bahalary teklibiň az bolmagy netijesinde ýakyn ýyllarda ýokary bolmagynda galar diýip treýderler çaklaýar. Bu barada Interfaks habar berýär.
Bir ýyldan we iki ýyldan ibermesi bilen gazyň fýuçersleri megawatt-sagadyna 134 ýewro we 82 ýewro görkezijilerinde söwdalanylýar diýip, Financial Times ýazýar. Bu rekord görkezijilere ýakyn sanlardyr. Şol bir wagtda geçen tomusa çenli fýuçersler onýyllygyň dowamynda megawatt-sagadyna 40 ýewrodan az nyrha satylýardy.
«Demirgazyk akymy 1» gaz geçirijijisi boýunça Russiýadan ibermeleriň bes edilmegine garaşmagyň çäginde Ýewropada gazyň bahalary iýunda ýokarlandy. Abatlaýyş işleri tamamlanandan soň, ibermeler dikeldildi, emma bazara gatnaşyjylar geljekde bökdençlikleriň ýüze çykmagyndan howatyrlanýarlar. Bu howatyrlanmalar bahalary rekord derejede ýokary bolmagynda saklaýar diýip, FT habar berýär.
«Mümkin, eger çüwse, biz 2022-nji ýylyň we 2023-nji ýylyň gyşlaryny düýpli zyýansyz geçirip bileris, emma her soňky gyşda ýagdaý has çylşyrymlaşar» - diýip, Suwuklandyrylan tebigy gazy import edijileriň Halkara toparynyň (International Group of Liquefied Natural Gas Importers, GIIGNL) Baş sekretary Wensan Demuri belledi,
Onuň pikiriçe, Ýewropa üçin ýeke-täk çykalga Katardan we ABŞ-dan suwuklandyrylan tebigy gaz ibermelerine uzakmöhletleýin şertnama baglanyşmakda we spot bazaryndan garaşlylygyny kem-kemden aýyrmakda jemlenýär.
Emele gelen ýagdaý Ýewropada çökgünlik mümkinçiligini artdyrýar. Mysal üçin, Germaniýanyň ykdysadyýeti «Demirgazyk akym 1» boýunça ibermeler kesilen ýagdaýynda indiki ýyl 5-6% pese düşüp biler diýip, Deutsche Bank-yň analitikleri çaklaýar.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.