«Günorta gaz geçelgesini» Merkezi Ýewropa çenli uzaltmak gerek — Wengriýanyň DIM-niň ýolbaşçysy
14:59 13.03.2021 7441
«Günorta gaz geçelgesiniň» (GGG) ähmiýeti barada Wengriýanyň Daşary işler we söwda ministri Peter Siýarto Azerbaýjanyň Energetika ministri Parwiz Şahbazow bilen söhbetdeşlikde aýtdy, diýip Interfaks-Azerbaýjan habar berýär.
Azerbaýjanyň Energetika ministrliginiň beýannamasynda "GGG-niň Wengriýa üçin gaz çeşmeleri we ugurlary diwersifikasiýalaşdyrmak nukdaýnazaryndan ähmiýetini belläp, ministr taslamanyň Merkezi Ýewropa uzaldylmagyna gyzyklanma bildirdi" diýip aýdylýar.
Azerbaýjanyň Energetika ministrligi çarşenbe güni Parwiz Şahbazowyň Peter Siýarto bilen iki ýurduň arasyndaky energiýa hyzmatdaşlygy, şol sanda Azerbaýjanyň Ýewropa energiýa üpjünçiligini diwersifikasiýalaşdyrmakdaky, aýratyn hem gaz üpjünçiligindäki orny barada pikir alşandygyny habar berdi.
Günorta gaz geçelgesi 2018-nji ýylyň 29-njy maýynda işe girizildi. Taslamanyň bahasy 33 milliard dollar boldy. GGG arkaly gazyň umumy mukdary ýylda 16 milliard kub metre barabar bolup, şondan 10 milliard kub metri Ýewropa, 6 milliard kub metri Türkiýäniň günbatar sebitlerine iberilýär.
Türkiýä ibermeler 2018-nji ýylyň tomsunda başlandy. Şah-Deniz ýatagyndan Italiýadaky, Gresiýadaky we Bolgariýadaky sarp edijilere azerbaýjan gazyny ibermeklik 2020-nji ýylyň 31-nji dekabrynda başlandy. Ýewropa eksport ýylda 10 milliard kub metr geçirijilik ukyby bolan Trans-Adriatik gaz geçirijisi (TAP) arkaly amala aşyrylýar. 2021-nji ýylda Azerbaýjan Günorta gaz geçelgesiniň üsti bilen Ýewropa 5 milliard kub metrden gowrak gaz ibermegi meýilleşdirýär.
2020-nji ýylyň awgust aýynda Wengriýanyň Daşary işler we Söwda ministrliginiň GGG-den tebigy gaz importyna aýratyn gyzyklanma bildirýändigi we bu ugurda Türkmenistany geljegi uly hyzmatdaş hasaplaýandygyny habar berendigi bellärliklidir. Energetika meselesi Wengriýanyň Daşary işler we daşary söwda ministri Peter Sijartonyň 2019-njy ýylyň 20-nji maýynda Aşgabatda geçiren gepleşiklerinde ara alnyp maslahatlaşyldy.
GGG Ýewropa Bileleşiginiň ileri tutulýan taslamalarynyň biridir. Ol birinji tapgyrynda 10 milliard kub metr azerbaýjan gazynyň iberilmegini göz öňünde tutýar. 2019-njy ýylyň fewral aýynda GGG boýunça Konsultatiw Geňeşiniň mejlisinde Ýewropa Bileleşigi we Azerbaýjan Türkmenistany bu taslama goşulmaga çagyrdy.
ÝB GGG ulgamynyň bir bölegine öwrüljek Hazarüsti gaz geçirijisiniň gurluşygyna uly gyzyklanma bildirýär. Hazarüsti gaz geçirijisiniň taslamasy azyndan 30 ýyl türkmen gazyny Ýewropa bazaryna uly mukdarda ibermegi göz öňünde tutýar.
Demokratiýanyň milli nusgasy dabaralanýar
Ýurdumyzyň nebitgaz toplumynyň merkezi edara binasynda ,,Halk Maslahaty – demokratiýanyň milli nusgasy’’ atly maslahat geçirildi.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Sagdyn jemgyýet — sagdyn durmuş
«Türkmengaz» döwlet konserniniň Ylmy-barlag tebigy gaz institutynda wagyz-nesihat çäresi geçirildi. «Türkmengaz», «Türkmennebit» döwlet konsernleriniň, «Türkmengeologiýa» DK-nyň guramaçylygynda sagdyn durmuş ýörelgeleri bilen bagly maslahata toplumyň düzümlerinde zähmet çekýän işgärleridir hünärmenleri gatnaşdy.
Aşgabatda nebitgaz pudagynyň ekologiýa jähtleri boýunça TESC 2025 halkara maslahaty geçiriler
5-nji iýunda Aşgabatda «Uglewodorod känleriniň işlenip taýýarlanylmagynda innowasion tehnologiýalaryň ornaşdyrylmagynyň ekologiýa ähmiýeti» mowzugy boýunça TESC 2025 atly ylmy-amaly maslahat geçiriler.
Prezident Türkmenistanyň diplomatlaryny energetika we beýleki ulgamlarda iri halkara taslamalary durmuşa geçirmäge ýardam etmäge çagyrdy
Anna güni Prezident Gurbanguly Berdimuhamedow Türkmenistanyň diplomatik gullugynyň işgärlerini hünär baýramçylygy bilen gutlady. Her ýylyň 18-nji fewralynda bellenilip geçilýän baýramçylyk mynasybetli iberen gutlagynda döwlet Baştutany «Garaşsyz, Bitarap Türkmenistanyň milli bähbitlerini halkara gatnaşyklar ulgamynda mynasyp üpjün edýän we goraýan ýurdumyzyň diplomatik gullugynyň işgärleri öňde goýlan belent wezipeleri talabalaýyk ýerine ýetirmek ugrunda ýadawsyz we döredijilikli zähmet çekýärler» diýip belleýär.