Gözleg işlerindäki üstünlik
04:25 10.06.2025 2801
Häzirki wagtda Üňüzaňyrsy Garagumuň çäklerinde kükürtsiz tebigy gazyň gorlaryny agtaryp tapmak ýurdumyzyň gaz senagatyny ösdürmekde uly ähmiýete eýedir. Muňa soňky ýyllarda bu çäklerde açylan Agarguýy, Täjibaý, Täçmyradow, Hazarly we Demirgazyk Gazlydepe känlerini mysal getirmek bolar. Şol bir wagtyň özünde ilkinji gazylan guýudan oňyn netije alnandygyna garamazdan, ondan soňky gazylan guýudan önüm alynmandygy bilen baglylykda, öwrenilmegi soňa goýlan gurluşlaryň hem bardygyny bellemelidiris. Şeýle meýdançalaryň biri hem Demirgazyk Gazlydepe meýdançasy bolup, onuň çäklerinde 2008 — 2011-nji ýyllar aralygynda 1-nji we 2-nji gözleg guýulary gazyldy. 1-nji gözleg guýusyndan synag işleriniň netijesinde ýokarky ýura karbonat çökündileriniň oksford ýarusynyň (VIII, X we Xa) gatgatlamalaryndan senagat taýdan ähmiýetli gaz we gaz kondensatynyň akymlary alyndy. 2-nji gözleg guýusyndan alnan netijeler meýdançada bar bolan ähli maglumatlary ylmy taýdan seljermek arkaly bu ýagdaýy içgin öwrenmekligi talap edýär.
Şu nukdaýnazardan, Ylmy-barlag tebigy gaz institutynyň geofizika bölüminiň hünärmenleri Demirgazyk Gazlydepe meýdançasynda dürli ýyllarda geçirilen UÇNU 2D seýsmiki barlaglaryň, guýy geofizikasynyň barlag usullarynyň (GGBU) we çuň burawyň maglumatlaryny häzirki zaman programma üpjünçiliklerini ulanmak arkaly täzeden teswirläp, ähli gatgatlamalar (VIII, X, Xa, XI) boýunça gurluş kartalaryny, 1-nji we 2-nji guýular boýunça bolsa deňeşdirme çyzgylaryny we geologik kesimlerini gurdular. Ýerine ýetirilen işleriň netijesinde Demirgazyk Gazlydepe meýdançasynyň ýokarky ýura duzasty karbonat çökündileriniň geologik gurluşyny has takyk öwrenmek hem-de C1 derejeli gazkondensat gorlarynyň meýdanyny giňeltmek maksady bilen, 3-nji barlag guýusyny gazmaklyga teklip berildi we onuň oturdylmaly ýeri takyk kesgitlenildi. Netije biziň garaşyşymyzdan hem has ýokary boldy.
Häzirki zaman programma üpjünçiligini ulanmak arkaly oňaýly ýerde oturdylmagy takyk kesgitlenen 3-nji barlag guýusyndan synag netijesinde ýokary akymly kükürtsiz gaz we kondensat akymlarynyň alynmagy biziň hemmämiz üçin şatlykly waka boldy. Biziň bu üstünligimiziň her ýylyň iýun aýynda bellenilýän Ylymlar gününe hem-de hemişelik Bitaraplygymyzyň 30 ýyllygyna mynasyp sowgadymyz bolandygyna hünärmen hökmünde buýsanýarys.
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.
Gahryman Arkadagymyz Saud Arabystanynyň döwlet ministri bilen söwda-ykdysady hyzmatdaşlygyň ileri tutulýan ugurlaryny maslahatlaşdy
2-nji aprelde türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyz Gurbanguly Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saud bilen duşuşdy diýip, TDH habar berýär.
Türkmenistanyň Prezidenti «Merkezi Aziýa – Ýewropa Bileleşigi» birinji sammitine gatnaşmak üçin Özbegistana bardy
3-nji aprelde Prezident Serdar Berdimuhamedow «Merkezi Aziýa – Ýewropa Bileleşigi» görnüşindäki birinji sammitine gatnaşmak maksady bilen Özbegistan Respublikasyna iş sapary bilen bardy diýip, TDH habar berýär.
Abu-Dabide ADIPEC-2022 nebitgaz forumy geçiriler
ABŞ-nyň Türkmenistandaky ilçihanasy türkmen tarapynyň wekillerini Halkara nebitgaz sergisine we forumyna gatnaşmaga çagyrýar (ADIPEC-2022). Forum BAE-de Abu-Dabide 2022-nji ýylyň 31-nji oktýabryndan 3-nji noýabry aralygynda geçiriler. Bu barada Türkmenistanyň Senagatçylar we telekçiler birleşmesiniň saýtynda habar berilýär.
Türkmenistanyň we Özbegistanyň Prezidentleri ikitaraplaýyn gatnaşyklaryň okgunly ösdürilýändigini nygtadylar
3-nji aprelde “Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan hormatly Prezidentimiz Serdar Berdimuhamedow Özbegistanyň Prezidenti Şawkat Mirziýoýew bilen duşuşdy. Bu barada TDH habar berýär.